اقتباس:  حسان المعري   كتب  
خروج فرنسا خلق صراع ( قوى ) في سوريا بين المحافظين الحلبيين والديموقراطيين الشوام .. هدول بدهم عودة التاج الهاشمي وهدولاك ما بدهم مما دعى القوتلي لترشيح فيصل بن سعود لقطع الطريق على الحلبيين .. وهذا أمر جد غريب وأعترف بوجاهة استغرابك ، لكنه حدث ..
هلأ القوتلي الأبله تصرف من عنده لعنده أو فرنسا أوعزت له نكاية بالإنجليز حبايب الهاشميين ربك العالم ، لكن الأكيد أن فرنسا دعمت هذا الترشيح لعرش سوريا .. ولو تتعب حالك شوي يا حجي ستجد المقال الي ناقله حضرتي في صفحة التاريخ في هالنادي ، وروح دور عليه لحالك ..

شو انهبلت لحتى أدور على مقالتك وين مزدود!!

لا تفتل عقلي بكلام ما إلو أي مستند!

شو ديمقراطي وشو محافظين، تكون مفكر حالك ببريطانيا العظمى والا الولايات المتحدة؟!!

يا صاحبي كان هناك أبان الاحتلال تكتلان رئيسيان بالفعل، ولكنهما جميعا كانوا تكتلين محافظين بورجوازيين ديمقراطيين (كوكتيل)

الكتلة الوطنية وتأسست عام 27 على خلفية حزب الشعب الدمشقي

والكتلة القومية (الدستورية) وتأسست عام 43 على خلفية حزب الأحرار الحلبي

وشكل المستقلون لاحقا الكتلة الجمهورية

وفي فترة الاستقلال غدت الكتلة الوطنية (الحزب الوطني)، في حين أصبحت الكتلة الدستورية (حزب الشعب) ودخلت على الساحة أحزاب الإخوان والبعث والعربي الاشتراكي...

هلق القوتلي (الوطني) والدواليبي (الشعب) كانوا منقسمين لمحافظين وديمقراطيين؟ ما بظن، فهم من طبقة واحدة، وحزبيهما لا يختلفان عن بعضهما بشيئ إلا العصبية الإقليمية...

ولتتذكر أن حزب الشعب (الحلبي) كان اسمه: (الكتلة الدستورية)، وتذكر بأن الكتلة الوطنية كان اسمها عام 1925 (حزب الشعب) يعني صايرين فايتين ببعض متل أحزاب الجبهة الوطنية التقدمية، واحد عندو وحدة حرية اشتراكية والتاني اشتراكية وحدة حرية!:lol:

كتبت سابقا دراسة مختصرة عن الأحزاب في سورية، وكان هذا بعض ما علق برأسي عن هذه المرحلة، ولكنني أستبعد تماما فكرة سعي الدواليبي نهو الهاشميين، وإلا فما كان سيجد موطئ قدم في السعودية التي ختم بها الفترة الأخيرة من عمره!

روايتك مو داخلة مخي بنوب!

وخذ هذه :9:

هذا إبهام مو شي تاني

:redrose: