Vangelis :

الاول اتأكد ان مفيش عندك اى فيروسات على الجهاز , وانصحك تعمل بحث شامل على الجهاز ببرنامج مكافى . طبعاً لانه الافضل فى مجال مقاومة الفيروسات ومعظم البرامج التانيه عبيطة جداً زى نورتون مثلاً فيه فيروسات كتير قوى لا يكتشفها .. والادوات الصغيرة زى Spyware doctor كلها هبل ولاتفيد . واعتقد انها مصممة اصلاً لاكتشاف الباك دور backdoor الخاصة ببرامج الاختراق وليس لاكتشاف الفيروسات التى بداخلها اكواد لتنفيذ بعض الاوامر والله اعلم .

لو اتضح ان مفيش عندك فيروسات والجهاز سليم تماماً .. ادخل على كنترول بانل ثم add or remove program وافتحها واتاكد ان مفيش برنامج اعلانات موجود على الجهاز وشغال .
وبرامج الاعلانات دائما بتكون موجودة فى المواقع المشبوهة - اللى حضرتك لاصق فيها :10: - وبتطلع على شكل رسالة فيها yes او no .. وطبعاً المستخدم عشان يريح دماغه بيدوس yes يروح البرنامج نازل عنده وبيشتغل الاعلان كل ما يفتح المتصفح . زى ما بيحصل لك .

لو مفيش فيروسات ومفيش ( برامج اعلانات) وده طبعاً مستحيل .. يبقى تفرمت السى وتنزل نسخة ويندوز جديدة وتريح دماغك . وبعد ما تنزل نسخة الويندوز الجديدة .. تبطل زيارة المواقع المشبوهة :10: عشان تبقى فى الامان .

لو لم تحل المشكلة بعد كل هذه الحلول يبقى ترمى الجهاز من البلكونه وتشترى جهاز جديد .

ملحوظة :
واضح من الصور اعلاه انك طافى حاجة مهمة فى جهازك ( لاحظ علامة الاكس X الحمراء اللى بجوار الساعة تحت فى الصورة ) . أعتقد انك طافى الجدار النارى فى ويندوز اكس بى - وده مهم جداً - او حضرتك طافى او بالاصح معندكش اساساً برنامج لمقاومة الفيروسات بالاضافة الى انك طافى التحديث التلقائى للويندوز وده مهم ايضاً جداً . ولحل هذه المشكلة اضغط على علامة الاكس التى بجوار الساعة ثم اضغط on على كل من الحائط النارى والتحديث التلقائى لانه اغلاقهم مصيبة كبيرة . وبالله التوفيق .

تحية (f)