اقتباس:أنا لن أتحول لملحد , شكراً على دعوتك .  

أتمنى منك لو تقرأ بهمة ونشاط لفلاسفة ومفكرين , وأعطيك أثنين :  
" عمانوئيل كانط " , " زكى نجيب محمود " .  

حتى تعرف كيف تنظر الأخر من وجهة نظره .

مالك يا بهاء؟ زعلان ليه؟ ما توّحد الله بقى كدة وتهدا .. أبو العلاء بيقول: توحد فإن ربك واحد :cool:

يا بهاء، الناس عالم كبير وفي هذا العالم الكبير كل واحد فينا عالم لوحده. أنت تنظر للأمور من وجهة الفلاسفة والمفكرين وأخونا أتماكا ينظر لها من زاوية الآخرة وما يرضي الله وما لا يرضي الله. لماذا تريده أن يصبح إنسان آخر بخلاف ما هو عليه؟ لماذا لا نقبله كما هو ونفرح به كما هو؟ هو عنده المرجعية كتاب الله وسنة رسوله وفي ضوء الاتنين دول هو يتكلم ولما يتكلم نقول له بصدق وباحترام: كلامك على عيني وعلى راسي. ما هي المسخرة برضو يا بهاء ما ترضيش لا عدو ولا حبيب! اللي بيحصل في الفيديو كليب والمياصة دي مش فن بالمرة يا أخونا. دول شوية بنات صيع عايزة تغتني واغتنت والحمد لله واحنا بس اللي قاعدين نقشر بصل. أتماكا له رأيه في هيفاء أنها بنت مايصة وهي صحيح بنت مايصة. البنات دول بتوع الفيديو كليب خلقوا جيل بايظ قوي يا بهاء بصراحة. بسبب الجيل ده ما تستغربش لو جت لك بنت تقول لك عايزة أعمل عملية عشان مناخيري تصغر وتقعد تلعب في خلقتها يمين وشمال عشان تبقى من المشاهير. مالها بس خلقة ربنا؟ مش نقول الحمد لله؟ دول شوية بنات مايصين فعلا؛ فأهدا شوية. اوعى تزعل مني إنت تعرف أني باحبك قدين يا بهاء.

وأوعى تلحد :lol: :emb: