خلونى احكى لكم الحكاية انا لسة راجع من ديك ام الشغل اللى واكل نافوخ اهلى بلا مبرر ,وبعدين قعدت اتفرج على الاخبار وبعدين بحلقت فى الحيطة فاكتشفت ان فى لمبة محروقة فى النجفة فقلت اغير اللمبة وانا بقف اتعكبلت فى شنطة الشغل فوقفت وقلت طلع ديك ام اللاب توب لانى لازم ابعت ايميل وطلعت ام اللاب توب وقعدت وياسبحان الله على طول انفحت الانترنت على النادى فلقيت مكتوب عوليس الحكيم الرائى ننتظر حضور ففركت عينى قلت عوليس متعود يسمينى الحكيم المرائى ايه اللى جرى له ياترى ففتحت اللنك وانا متوقع ان عوليس عملى مذبحة ولامذبحة المماليك:lol: فى قلعة محمد على فسحبت سيجارة واستعديت لحرق الدم لكن وجدت مفأجأة جميلة بالفعل ... صدقونى وتربة ابويا وحياة المييتين كلهم تفاجأت بكل هذا الحب وضحكت ملء فمى سعيدا بكل هؤلاء البشر رائعى الجمال اللى فى النادى فصراحة انا نوعية من البشر التى لاتبحث عن معجبين بخلاف واحدة بس بحاول اقنعها تحبنى وهى موش عاوزة:lol: بخلاف ذلك فلقد تعودت على ان اقول مافى قلبى لايعنينى رضا الناس او غضبهم المهم الا اشعر انى اخون نفسى او مشاعرى او انتماؤتى ..انا انسان بسيط جدا صحيح تربية شوارع ولفيت العالم كعب داير :lol: لكن اظل نهاية مجرد انسان مصرى بسيط للغاية انتمى للفقراء واحلامهم وعالمهم يدهشنى ويسحرنى اكثر من قصور الف ليلة وليلة واينما ذهبت اختار دائما ان اعيش وسط بسطاء البشر ملح الارض ولا اشعر براحة الا فى وسطهم اكل اكلهم واشرب شربهم وهذا يفسر لكم سر ترددى على المستشفيات بشكل مستمر بسبب العك فى الاكل من حوارى بيونس ايرس الى حوارى جانيرو وبرامريو واستنطبول ومحلات الشاورما والاكل الصينى فى عواصم القارة العجوز
صراحة موش عارف اقول لكم ايه
اد ايه انتم ناس فى منتهى الجمال
محبتى لكم جميعا