اقتباس:  icarus   كتب/كتبت  
أبو البيس :

العين ما بتعلى عن الحاجب يا معلم .. يعني إذا مفكّر حالي بفهم بالموسيقى يعني أنا ولا شي إدّامكم معلم ... ما كان قصدي اتفهمن (f) ...

بس عن جد ,عند الاستماع إلى هيندريكس فكل جمله أوريجينال ,غير مكررة ,أفكار مريضة من شدة جمالها ,بناء موسيقي لا ينتمي بحال إلى حقبة الهيبيز التي عاش فيها ,باختصار : الزلمة كان سابق عصرو بمراحل ..

هلأ كينغ إذا بتسمعلو كل أعماله فبتلاحظ أنو مكرر دائماً ,يعني صحيح أنو البلوز بشكل عام متكرر بسبب الاعتماد على البنتاتونيك ,ولكن مثل ما ذكرت أنت : SRV .. هلأ كعازف بلوز ذو أهمية موسيقية لحنية ( التركيز هنا على الجمل والميلودي )  مين بيثيرك أكثر : كينغ لما SRV ؟

ببببببوووووووووووووووووس إيدك لا تجيب عارف !!!!!! بينطحني متل ما نطح البلوكة بعدين :lol:  

مع أطيب التحيات :redrose:

ملاحظة : هل هناك مخالفة لاستخدام العامية بالكتابة ... مالي خلق شوف الأنظمة والقوانين ... :D

شوف يا حبيب على السريع و مشان ما ننزع موضوع محارب .. بعدين بينزل علينا صواعق من النور الأعلى تحرقنا عن بكرة ابينا .

هيندركس اسطورة بالتكنيك .. يعني بتشوفو و هو عم يعزف بتنبهر عن جد و متل ما بيقولو بالشام بتشط ريالتك .
كينغ بيخليك تغمض عيونك و انت عم تسمعو رغما عن انفك يعني .

و هلأ كينغ طبعا بيثير الغرائز الموسيقية اكتر من SRV .. طبعا كمان لما بتقول SRV يعني عم تقول هركوليس ابن زيوس بذاتو . هلأ SRV اكتر من مرة و بحفلات لايف جاب التون تبع هندريكس و خصوصا مرة بهرني لما عزف purple haze و voodoo chile يا شيخ تقول هندريكس .. و بتعرف قديه هودي المعزوفتين مميزين لهندريكس .. بس جابن تمام

هلأ هيدا اسمو اسلوب عزف و نمط موسيقا .. بس مثلا كينغ و بتكفي عندو مقطوعة thrill is gone الغنية الماستر التوزيع الأساسي . .. يعني برأيي ما حدى على الأرض من لما كانت الديناصورات ترعى الى لحظة كتابتي هذه ( الهذه ) جاب الكريسب ساوند او التون تبعو .. يعني مثلا سمعها و قلي مين قدر يجيب هيدا الصوت ؟؟؟

طبعا هلأ هندريكس بيجذب الواحد بطريقة عزفو على المسرح و ايقاعو السريع يعني و هيدا بيلعب دور ... ثانيا حجم الجمهور بيلعب دور تاني

و طبعا برجع بأكد انو هندريكس ذو تكنيك اسطوري .. يعني خيالي لأبعد الحدود ..
و هلأ غيرن فيك تقول Van Halen
أو مثلا Brian May
يعني هدول كمان جابو صوت بالغيتار ما حدى قبلن جابوا .. و براين ماي يعني فيك تقول في اصوات بالغيتار مسجلو باسمو .

و بالأخير برجع بقلك يا عزيزي انو الرأي هو شخصي ممكن نختلف و ممكن نتفق .. بس الكينغ .. كينغ :hii: