عزيزي محارب ...

أولا لنتكلم عن كلمة تفضيل .. التفضيل هو شعور شخصي بحت اولا و اخيرا قد تتدخل فيه بعض العوامل و الحقائق لكنه أخيرا شعور شخصي

بالنسبة للبيتلز فهم بلا شك من اعظم الفرق الموسيقية بالتاريخ على الاطلاق .. كل فرد فيهم كان ظاهرة .. رينغو ستار يتمتع بتوقيت و ايقاع رائع على الدرمز , جورج هاريسون عازف غيتار ذو حس موسيقي عالي و بديع .. بول و جون صراحة لا املك تفضيل احدهما على الأخر .. هما مكملان لبعضهما البعض بشكل مدهش ولا اعنقد ان احدهما كان يمكن ان يصل الى ماوصل اليه بدون الأخر .. بول يؤلف الكلمات و جون يلحن و يغنياها معا على المسرح .. كانا ثنائي مدهش


هلأ بالنسبة لي بفضل البينك لأني بحب الاستغراق بالجمال و الهيام بالفضاء يلي بيخلقوه امامك ... و العمق باغانيهن .. يعني اغانيهن بتضل بتفكر فيها حتى لبعد ما تسمعها
البيتلز معظم اغانيهن هي للرقص .. بتسمعها و بتنبسط و خلص .. يعني مش حاملة فكر .. الا طبعا بالفترة الأخيرة من حياة الفرقة كان فيها عمق و فكر .. و طبعا جون لينن بعد انفصال الفرقة اعتنق فكرة السلام و اللا حرب بشكل مؤثر و الف و غنى اغاني لحد هلأ تعتبر اناشيد وطنية للحركة .. متل Imagine
, power to the people , give peace a chance

بعكس البينك يلي كانوا فعليا ملتزمين بقضية فكرية اجتماعية من البداية تقريبا

هلأ موسيقيا .. البيتلز كانوا رواد بالروك اند رول معتمدين على الايقاع السريع الراقص .. استفادوا من القديم و اضافوا لمسة خاصة و اوجدوا نمط خاص فيهن و خصوصا بالفترة الأخيرة يلي كانت بعد زيارتن للهند و تأثرن بالصوفية الهندوسية و خصوصا جورج هاريسون و هيدي الزيارة خاقت عندن وعي ثقافي بين واضح بأغانيهن و الموسيقا يلي عزفوها .. و بعد بفترة تأثر لينون بحركة السلام و اللاعنف و اللا حرب و القضايا العالمية كان واضح كمان
صنعوا البومات كانت و ما زالت ثورة بالموسيقى متل
Sgt. Pepper's Lonely Hearts Club Band
Magical Mystery Tour
Revolver
Abbey Road يلي بعتبروا اهم البوم للبيتلز و اجمل البوم الن

البينك .. فينا نقول انن كانوا فلاسفة بالموسيقى من البداية و اعتمدوا الموسيقى البطيئة الساحرة يلي بتاخدك لعالم تاني فورا .. عالم بدن باك تدخلو مشان تفهم عليهن .. عندن طريقة مزج موسيقية رهيبة .. الساكس مع الغيتار و الكيبورد .. الموسيقا يلي بتسحبك من عالمك لعالم لا متناهي ..
the wall كان البوم خيالي .. تجسدت فيه عظمة روجر ووترز الموسيقية
the dark side of the moon و يلي كان قبل the wall بعتبروا اعظم البوم بالتاريخ ابدا .. يمكن يلي شهر the wall اكتر هو موضوع الفيلم و الحلفة الاسطورية يلي صارت و يلي كانوا رواد بهيدا الشي و استخدام المؤثرات البصرية و الخراج المبهر على المسرح و استخدام لوحات لسلفادور دالي بالحفلة دليل واضح على السيريالية بالفكر و الفكر الثقافي المتمرد و العميق عند الفرقة
كل البومات الفرقة عظيمة
Shine On
Wish You Were Here
The Piper at the Gates of Dawn
Relics
The Division Bell
The Final Cut
A Saucerful of Secrets خيالي

عندي كل البومات البينك و بستمتع بسماع اغانيهن كل يوم بالليل

برأيي الفرق بين البينك و البيتلز هو مقدار العمق .. كل ما زاد العمق بيزيد الغموض و السحر و التأمل ... انا بفضل الأعمق

هيدا بشكل مختصر و بتمنى كون جاوبتك عن سؤالك



:redrose: