اقتباس:و الله يا صديقي يا كومبيوترجي ... اول سنة بالغربة كنت اسال حالي هيدا السؤال كل ساعة مش كل يوم ... بس بعدين بطلت فارقة معي ... لني صرت اسأل حالي السؤال بالعكس ... ليش حتى ما نتغرب ؟

اقتباس:خسرت اشيا كتيرة بغربتي .. خسرت روحاتي على المسرح يلي كنت مدمن عليها .. خسرت حفلات الموسيقا و الجاز يلي كانت مقدسة عندي .. خسرت شوفة رفقاتي كل يوم .. خسرت ضم رفيقتي و نحنا عم نتمشى تحت المطر .. خسرت الليل ببلدي .. خسرت فنجان القهوة الصبح مع امي على الفيرندا قدام الجنينة .. خسرت فوت على المطبخ المسا مع ابي و نساوي العشا انا وياه ... خسرت كلمة صباح الخير من اختي .... خسرت جزء من روحي و جزء من كياني  
بس شو العمل .. اخسر جزء هلأ او اخسر اجزاء بعدين .
واقع و بدنا نعيشو ..

دخلت لإحكي .. لقيت باسل سبقني وعبّر عن كل كلمة ممكن قولها ..

أكيد صعب كتير عالإنسان يبتعد عن محيطو الحيوي يلي اتربا فيه .. شوي شوي بيتعوّد .. بحس بحلاوة المكان يلي استوحش فيه بالبداية .. وبجوز يأمن فيه راحة نفسية تفوق الشي يلي كان رح يأمنو ببلدو ..
الغربة بتعلّم كتير .. درس تربوي كبير .. بتصقل الشخصيّة .. وبتوفرلك المجال "العملي" و"العلمي" يلي عبتبحث عنو .. وبنفس الوقت بتنسفلك تاريخك .. وبتخليك تبدا من الصفر .. والبداية من الصفر صعبة .. بس إلها لذتها كمان ..


في كتير أمور مو متوفرة ببلادنا .. الحريّة .. الاستقلاليّة .. هالأمور إلها لذّتها وقت بتحس فيها .. وممكن ما تقدر تتخلى عنا بيوم من الإيام .. وتصير أهم من العيشة ببلادك ..



هاد رد سريييييع كتير .. وكتبته على عجالة ..

راجعين ..


خوليو