يالله .. تكرم عيونك .. أصلا قلبي مليان

قرفت من انو انطر لأطفش لبلدي متل ما طفشت منو
قرفت من انو احلم انو بلدي لح يرجع البلد يلي كنت اقرا عنو بالكتب
قرفت انطر انو الناس ببلدي لح ترجع ناس
قرفت من التعامل مع ناس البهايم بتفهم احسن منها و بيجوا بيتفصحنوا بالشغل
قرفت من الأخبار يلي صارت قرف مكرر كل يوم مقرف شكل
قرفت من الناس يلي عم تبوس ايدين الأمريكان كل يوم مفكرين الأمريكان فرحانين فيهن و بيلي خلفهن
قرفت من الناس يلي بتطلع بتنظر قدام العالم كل بحكي فاضي و علاك مصدي
قرفت من اني حاولت بطل الدخان مليون مرة
قرفت انو كل شهرين تلاتة بكون بلد باسم العمل
قرفت احساسي بعدم الاستقرار لا بالمكان ولا بالزمان
قرفت انو كل يوم الصبح انا بدي فنجان القهوة و اشربو لحالي
قرفت حسن نصر الله و قرفت السنيورة و قرفت جنبلاط و الحزب العظيم و الممكلة الاسلامية وابوسليم الحص و ياسر عرفات حجازي و ميشيل كيلو بطاطا ابو الجواهر بذاتو
قرفت من انو بدي دور شهر على كتاب و بعدين لازم هربو من برى لأنو السلطان صاحب الأمر و المكان مانعو من التداول لأنو يلي كتبو كتب شغلة مو حلوة عنو
قرفت من انو العالم لسى ساكتين و خانعين و المصيبة الأكبر راضيين بالوضع يلي عايشين فيه و بدن غيرن يرضوا متلن
قرفت من كل مرة تعبت و اشتغلت و اجى واحد و سرق تعبي و مجهودي


العمى شو قرفان طلعت ... و لسى في كتير جوى .. بس
قرفت من كتر ما حكيت

:mad2: