تحيه لكل من شارك بالموضوع

الرفيق بهاء (f) علي الرغم من أن عملك ده مش عارف أحطه في أي باب من ابواب الأدب
( ليس بشعر عامي ولا فصحي ولا حداثي ولا تفعيله ولا نثر ولا حتي حلمنتيشي)
إلا أنه محاوله جيده وعبرت عما في نفسي من غضب

على الرغم من أني بحبك يا ابراهيم إلا أنك ساعات بتفقع بيضاني ببقي نفسي اشوفك قدامي عشان اطبق في زمارة رقبتك ولا اخبطك روسيه اكومك على الارض

لما واحد زي اتماكا او سلفي او هاجر يعترض تبقي مفهومه لكن انت ساعات بلاقيك بتعترض علي حاجات واضحه وضوح الشمس

في أيام جهلي وعندما كنت اواظب علي الفروض والصوم وأومن حق الإيمان بالله واليوم الآخر والملائكه والرسل .... الخ كان لي بعض التصورات الخاصه بي عن الدين

كنت بحب عبدالناصر اكتر من محمد وكنت شايف ان انجازاته وطموحاته اللي تحققت واللي متحققتش اهم من انجازات محمد

وعلي الرغم من ايماني بمحمد وقتها كنبي مرسل من الله وخاتم الأنبياء وأعظمهم كنت اعتقد انه بيحب النسوان قوي وتصل لدرجة الطفاسه في حكاية زينب بنت جحش

أما في موضوع الحج فكنت شايف انه جنان رسمي وكنت اقعد اضحك علي العالم اللي سايبه حالها ومالها وعمالة تلف حول غرفه مكعبة الشكل ووقتها اقترحت علي مدرس الدين وامام المسجد ان المسلمين يعملوا في كل بلد كعبه بدل الشحططه كل سنه علي السعوديه ( لم أكن أعي وقتها البعد المادي للمصلحه ) طبعا قالوا لي مينفعش عشان الارض دي مقدسه وربنا اختارها
ــ مقدسه ازاي يعني هي مش رمل وحجاره زي باقية الارض ولا مختلفة عنها ؟

لي ابن عمي له نفس رأيي في موضوع الحج ده علي الرغم من انه لازال مسلم

فيه مثل شعبي - ولما أقول مثل شعبي يعني خبرة وتجربة جماعية وصلت للحقيقة بالممارسه وليس بالتنظير

الزيت إن أحتاجه البيت حرم علي الجامع حيث كان الزيت هو وسيلة الأضائة قديما

يعني لينا واحد جارنا كان موظف بسيط طلع على المعاش وقبض مكافئة نهاية الخدمه وقدم علي الحج فى القرعه ولم يصبه الدور فباع الجاموسه وحط فلوسها علي فلوس المكافئه وراح حج سياحي وفي العام الذي يليه قبض علي ابنه العاطل في قضية سرقه ولا تعليق :what:

خالتى راحت حجت مرة وكل سنه تطلع عمرة في رمضان تفضل تحوش وتعمل جمعيات طول السنه وعندها 5 بنات متزوجات وازواجهن على قد حالهم ودي تاخد الغله كلها آخر السنه وتقسمها بالنص بين صاحب شركة السياحه وبين آل سعود :what:

انا ماليش دعوه بأي شخص عايز يروح يحج من دول الخليج مثلا لكن بالنسبه للمصريين الوضع مختلف
في كل حي وكل قريه وكل شارع وحاره هتلاقي ناس محتاجه وبتقضي الشتاء من غير غطا وبتاكل من الزباله وشباب عاطل وبنات عنست ومحتاجه لكل جنيه من ال100 مليون جنيه اللي كل سنه بينفقها بعض السفهاء على الحج والعمره

ارباح السعوديه من الحج والعمره أضعاف أضعاف دخل مصر من قناة السويس

الموضوع بنظرة شامله يغوص في الأنانية وحب الذات كما في حالة خالتى اللي قلتلها في يوم ليه طالعه عمرة السنه دي انتي مش حجيتي مره وطلعت عمره مرتين قبل كده
ــ في كل عمره في رمضان ليك بيها قصر فى الجنه

ــ طيب كفايه بقي عندك قصرين دلوقتى

ــ وكعادة الذين آمنوا شخطت فيا وقالت لي هو انت دافع حاجه من جيبك

نأتي لموضوع مالي وانا حره فيه . ببساطه لما يكون فيه حد بينفق ماله في السفه وجب علي من حوله ان يردعوه او يحجروا عليه إذا لزم الأمر

أما بالنسبه لمنتديات الذين آمنوا فأول مره أشترك في منتدي على الأنترنت اشتركت في منتدي عمرو خالد واتفرج علي الهبل هناك
ــ واحده امها عيانه واحطه رابط تطلب من القطيع الدخول والدعاء
ــ واحد متعثر فى الثانويه العامه بيرجوا القطيع رجاء حار انه يدعوا له في صلاة الفجر تحديدا
واحده بتسأل عن حكم نتف الحواجب :what:

وطردت اكثر من 4 مرات خلال اسبوع وأعدك اني سأضع لك بعض المشاركات التي تسببت في طردي واحكم بنفسك مع ان عمرو خالد يصنف ضمن الحمائم