عزيزي حسن:

باعتقادي أنك مصري مثلي. إذا كنت مقيم بمصر أقترح عليك بشدة أن لا تشتري أي شيء من خارج مصر. منذ كام سنة كدة حبيت أبعت لأخويا تلفون عادي تمنه لا يتجاوز التلاتين دولار. تصور طلبوا جمرك عليه فوق المية جنيه! ومرة تانية بعت له بلوفر عادي وفي أميركا لا توجد أي ملابس تصنيع أميركي بل كله صنع في بنجلاديش وكوريا إلخ. تصور طلبوا منه في الجمر مبلغ كبير.. سافر مخصوص إلى القاهرة وطلبوا منه مبلغ زي حوالي 80 جنيه مصري. طبعا أنا وصيته وقلت له لو طلبوا مبلغ كبير منك في الجمركة ارفض الطرد وقد كان. ومن يومها تعلمت درس هام أن لا أرسل لأهلي بمصر أي شيء يعبر عبر مصلحة الجمارك بالقاهرة. ناس يا أخي بتستهبل! الله يكن في عونهم. كنت أتمنى فعلا لو أبعت لأخويا مثلا فرشة أسنان مصنوعة في السنغال أو حاجة زي كدة ولكن الجماعة بتوع مطار القاهرة وهيئة الجمارك خلوني أتوب. وعليه بصراحة أقول لك لا تشتري أي حاجة تمر من على مطار القاهرة. لو أنت مقيم في أي بلد آخر غير مصر وليكن الأردن فقطعا أسلوب الجمارك هايكون أنضف. وصلني طرد كتب وأنا في عمان وكان طرد ضخم وما دفعتش مليم واحد. لغاية دلوقتي يخلوك تدفع على شريط الكاسيت 5 جنيه مثلا. وعلى إيه، مافيش داعي. رأيك إيه؟