اقتباس:وهوب هات تصوير للذكرى ولنشرها على الأهل والخلان  
وعلى الجيل القديم بالذات حتى يموتوا بحسرتهم بصحيح ... من الأجداد وربما الآباء  
فهمت عليه ؟؟؟
يعني لا يجب ان تحكم على أشخاص من نفس حكمك أنت بل تحاول أن ترى كيف  
يفكر هذا الآخر ,,,

كلام حلو ولا ألومهم على التصوير فالتصوير للذكرى ولكن يا نسمة (f) مصر ليس كأي بلد عربي آخر. مصر فعلا بلد عسكري وتحكمه النظم العسكرية والحركة فيه بحساب. يعني لو أنا رحت أخد لي صورة لمبنى سفارة وهايجيب وجع دماغ مش مستاهلة. وكلنا نعرف جيدا موقف أي بلد عربي من أي مواطن عربي شقيق يزور البلد المجاور الشقيق. كلمة بلد شقيق ومجاور وتربطنا عرى قومية....كل ده للأسف يا نسمة كلام جرايد ومش حقيقي. هي دي الحقيقة. أول إنسان يهين العربي يا نسمة هو عربي مثله. الحقيقة دي أنا مستوعبها كويس. يعني فيها إيه لما واحد سوري خد الكاميرا وراح يصور مبنى السفارة؟ جاب الديب من ديله؟ انتهك حقوق الإنسان؟ بكل بساطة كان ممكن ياخد الكاميرا ويسحب منها الفيلم ويرجعها له ويقول له: أنا عارف أنك ما تقصدش أي حاجة سيئة ولكن هذا ضد القوانين هنا. لكن دول أخدوا الكاميروا وصادروها.. أخدوا البني آدم نفسه وصادروه.. أخدوا كرامته معه وصادروها... مافضلش حاجة ما صادروهاش والسبب أن النظام عسكري وهو كدة ومش هايتغير إلا بنظام عسكري آخر أو معجزة من نوع ما تتمثل في انتصار إرادة كرامة الإنسان..وشكلها كدة المواطنين محبطين وملهيين يادوب في الحاجات الأساسية من قوت العيش وغيره.. كيلو البصل في مصر حاليا بـ 5 جنيه! أنا هنا أشتري شكارة بصل كبيرة جدا باكون مش قادر أشيلها وبـحوالي 5 أو ستة دولار وتقعد عندي شهور وشهور لغاية البصل ما يعفن ويادوب. الحال في مصر كدة وللأسف هو ده الواقع والمفروض بقة تحمدي ربنا على نعمة فرنسا :lol: سلام. (f)