عطشاااااان

ياللي أنشبكت فـ ضلي ..

موت .

أنا بيك تقيل

اللحظة أنا ببحث فكرة التخلي عن ضلي العجوز ..

وأسترداد عيوني المرشوقة ع الكورنيش مستنية النيل يفيض ..

عباية الصبر دابت

أيوب صبح عريات

والنيل مافضش

وشه مخطوف ..

هزيل

أجمل ما فيه " أبو الهوى "

و" أبو الهوى " جبل

وأنا عطشان ..

مش عرقي ..

ولا بوظة ..

ولا " أستلا "

أنا عطشان لمية بطمي ..

لصوت مشروخ ..

لحضن مشاع ... يساع ملو المدى وأكتر

أنزف فيه دموع تباهي النيل بفيضانها

وأختم طقوس عمري ..

بالصلاة في أتجاه عيون صبية عريانة ..

تكون فرحانة وهي بتقاسمني ...

وحدتى .

تسجيل الدخول
اسم المستخدم:
كلمة المرور:	فقدت كلمة المرور؟
	تذكرني