مصر ياأمه يابهية ياأم طرحة وجلابية
http://www.sawari.net/kareem/mesr.mp3


بهيـة
يسبق كلامنا سلامنا يطوف ع السامعين معنا
عصفور محندق يزقزق كلام موزون و له معنى
عن الارض سمرا و قمرا
و ضفه و نهر و مراكب
و رفاق مسيرة عسيرة
و صورة حشد
و مواكب
ف عيون صبية بهية
عليها الكلمة و المعنى

------------------
صورة للبيئة المصرية الطبيعية من ضفاف النيل المعتمدة على النهر فى الحياة وحتى فى التنقل
والشاعر يشبه نفسه بعصفور ، ومن الغريب أن داود النبى شبه نفسه أيضاً بالعصفور

***
مصر يا امّة يا بهية
يام طرحة و جلابية
الزمن شاب و انتي شابة
هو رايح و انتي جاية
جايه فوق الصعب ماشية
فات عليكي ليل و مية
و احتمالك هو هو
و ابتسامتك هي هي
تضحكي للصبح يصبح
بعد ليلة و مغربية
تطلع الشمس تلاقيكي
معجبانية و صبية
يا بهية
-------------------

تصوير لمصر بإمرأة قروية تعيش فى حالة شباب دائم حتى أنها تنتصر على الزمن
ويصور آلام الأمة المصرية تحت إذلال وإستعباد الغزاة وقهرهم ، والحكام الظالمين الذين تداولونها ( 100 ليل ) ، ولكنها مازالت متفائلة وتنتظر الصبح وإشراق الشمس ( أى الخلاص من الغزاة ) وتعود بهية ومنيرة كما كانت قبل الغزو
وشيب الزمن أى زمن القهر والعسف والظلم قد إقترب من نهايته لكن الأمة المصرية مازالت قوية ، وهو رايح أى سينتهى وهى جاية أى قدوم زمنها لتستعيد شخصيتها ومجدها وإحترامها

***
الليل جزاير جزاير
يمد البحر يفنيها
و الفجر شعلة ح تعلا و عمر الموج ما يطويها
و الشط باين مداين
عليها الشمس طوافة
ايدك في ايدنا
ساعدنا
دي مهما الموجة تتعافى
بالعزم ساعة جماعة
و بالأنصاف نخطيها
------------------
تشبيه للغزو بموج يريد أن يغرق مصر ، وظلام سينهزم بظهور الشمس ( الخلاص ) ، ومهما كان الغزو قوى فبإجتماعنا وبالإصرار سننتصر

***
مصر يا امّة يا سفينة
مهما كان البحر عاتي
فلاحينيك ملاحينيك
يزعقوا للريح يواتي
اللي ع الدفة صنايعي
و اللي ع المجداف زناتي
و اللي فوق الصاري كاتب
كل ماضي و كل آتي
عقدتين و التالته تابتة
تركبي الموجة العفية
توصلي بر السلامة
معجبانية و صبية.. يا بهية
-------------------
تصوير وموجود أيضاً فى الإنجيل أن التلاميذ مع السيد المسيح كانوا فى البحر وهاج الموج وكادت السفينة تغرق فوقف السيد المسيح وإنتهر الموج فهدأ البحر ، وهى ذات الصورة يقدمها نجم لكن يصور الخلاص يأتى بزعقة من الفلاحين والملاحين ، وهناك كاتب يكتب قصص الكفاح وملحمة الخلاص ، ثم يأتى الخلاص بموجة عفية تحمل مصر إلى بر السلامة ( وهى إشارة لمعونة سماوية تحرر مصر من العبودية والخراب )

***
و يعود كلامنا في سلامنا يطوف ع الصحبة حلواني
عصفور محني يغني
على الأفراح ومن تاني
يرمي الغناوي تقاوي
تبوس الأرض
تتحنى
تفرح
و تطرح
و تسرح
و ترجع تاني تتغنى
اللي بنى مصر كان في الأصل حلواني
1969م
----------------
هنا يذكر نجم أن كلامه هو حلوى من عصفور يغنى بقدوم الأفراح وهلاك الغزاة وعسفهم ، فتعود مصر للخصب مرة أخرى والغناء بعد التخلص من نير العبودية والضلال