أحب هذه القصيدة، ولا أذكر الآن إن كنت قد نشرتها هنا قبلاً أم لا. فهي تذكرني بـ"نادي الفكر العربي" في زمنه الأول، حيث تفاعل معها الرواد القدامى جداً ...

هي قصيدة "ليونس الإبن"، أحد فحول شعراء "المحكية" اللبنانيين، خفيفة عذبة رقيقة طريفة ومسلية، أترككم معها ...

*****

أزعر ...

شو بْيكِذْبو … مين قال حبَّيْتو ؟؟
عمرو لا حاكاني ولا حْكَيْتو …
صدفه تلاقينا
ومن غير ما حْكَينا
كل مين مشي بدربو …
بس عينينا
التَفْتو على بَيْتو …

مشيت ومشي حدّي
بدّي … وما بدّي
إلا وْمِسِكْ يدّي
أي …ما قدرت هدّي
وْلا قْدِرتْ هدَّيْتو

ومن غير ما نِحْكي
غصّيت بالضِّحْكِه
مْرَقْنا عابِرْكِةْ مَي
تْفَرْكَشْتْ بالبِرْكِه
تْزَحْلقت … ضَمَّيْتو …

عند هالضَّمي
صَرَّخْت:" يا إمّي "
أزعر … ما بعرف كيف
تمُّو لِحِق تمِّي ….
ولا كيف عضَّيْتو …

ومن يومها ما بْنامْ
وِبْعيش في الأحلامْ
وْصَرْلي عَ هالحالي
شي خَمِس ستّ ايامْ …
شو بكون حبيتو ؟؟
بيكذبو …. مين قال حبيتو ؟؟؟

(يونس الابن) …

*****

واسلموا لي
العلماني