عذرا من النساء, بس عنفوصة هي مرأة و لازم تنحكى قصتها:
عنفوصة هي شخصية حقيقية. من جد و الله.
كانت, الله يتلطف فيها بالوقت الحاضر بحكم أنها بدار الحق, صاحبة كيف و انشراح. بدق عالعود و بتغني و بعد الدوام كاني ماني.
و طبعا كان ألها فرقة, يعني مفهومة...

ليلة من الليالي بعد الدوام كانت مع شوية شباب زبطوها هي و حدة معاها.
و ركبو الطنبر و تسهلوا.
و تحرك الموكب خارج المدينة نحو وكر ما.
و هنن بالطريق, طلعلون الفرنساوي, بحكم أنو كانو في شوية زعران عم بيقوصوا و بدون التحرير.
نزلوا الزلم من الطنبر بدون يقاتلوا و صار سحب سيوف و يا ويل ويلي.
عنفوصة سكتت, بس رفيقتا صارت تولول و تصيح: يا ولي يا ويلي...
قامت عنفوصة شالت أيدها و سفقتها كفين و قالت لها:
يلعن ****, ليش عم بتعيطي, هدول بدون يسخمونا و هدوليك بدون يسخمونا. سدي بوزك و سكتي.

شو صار بعدين ما حدا بيعرف, و هالقصة على زمة الراوي.

مرة تانية عذرا من النساء.

و سامحونا