موضوع طريف ..

عندنا في مصر مثل يقول : في كل خرابة عفريت .

تعرف عفريت العلبة الذي كنا نرتعب منه ونحن أطفال حينما يقفز في وجوهنا عند فتحها ؟

موضوع تأخر زواج الشباب أيضا أصبح له عفريت خاص به في كل بلد عربي .. :no:

في بلدي أنا - مصر - عفريتها وانت مغمض كده : الشقة , عندك شقة حتتجوز , ماعندكش يبقى اللي معهوش مايلزموش !

في الخليج : عفريتهم هناك المهور .......... تجد مهر الفتاة ربع مليون ونصف مليون وأرقام فلكية كده مش عارف على ايه يعني كأن أبوها صعبان عليه بنته تفارقه ..

الطريف إن لي صديق روسي مسلم من القوقاز , سألته ايه عفريتهم قال لي حاجة غريبة جدا ......
قلت له ايه المهر ؟ قال لي لا المهر هذا تستطيع أن تتزوج بمبلغ زهيد جدا .
قلت ايه الشقة ؟ قال لي لا كل بيت هناك تبني في نفس العقار وتتزوج بسهولة في البيت الكبير ...

قلت أمال ايه ؟ قال لي : حفلة الزواج !!

الحفل لازم يظل ثلاثة أيام متواصلة كلها طعام وشراب واستضافة وشغلانة كبيرة ........

عشان كده حبيت أعرف لو أحد أعضاء النادي عنده عفريت مختلف يقول لنا عليه ...



انت بقى ايه عفريتك ؟ :D