قرفت من التدخين
من رائحة الدخان التى تملأ فمى
وملابسى
غرفتى
مكتبى
سيارتى
قرفت من الذهاب فى ساعات الفجر الى اقرب محطة بنزين لاشترى علبة سجائر او اشعر بالضياع فى ساعات السفر الطويلة فى الطائرات وانا بلاسيجارة قرفت من نظرات الضيق فى عين عائلتى التى اعكنن على ابوهم كل يوم بدخانى وسجائرى وهم يراعون مشاعرى ويتحملون قرفى ولايقولون شئ حتى لايضايقونى..قرفت من الروائح العفنة التى اتركها فى كل مكان اجلس فيه ,من سيارتى التى رائحتها تشبه رائحة فساء الكلب وتتناثر اعقاب السجائر على ارضيتها والدخان على مقاعدها مطفأتها الممتلئة وطبعا من منكم يقود سيارته اربع ساعات يوميا سيفهم معنى ما اقول ..
قرفت من رائحة ملابسى اصابع يدى شعر رأسى قرفت...
قرفت من اكل اللحوم من فكرة ان بطنى مقبرة لحيوانات ميتة قرفت من منظر تقطيع اللحوم الدجاج وكل مرة اضع قطعة لحم فى بطنى اشعر بمغص ولكنى اكل واتلذذ واقرف فى نفسى الوقت واتعجب كيف اتلذذ بجثث ميتة ولحوم حيوانات مذبحة
قرفت من اغانى الفيديو كليب ومن برامج التليفزيون التافهة زهقت من نشرات الاخبار من نصر الله والسنيورة عباس وهنية مبارك وايمن نور من بوش وبن لادن زهقت من الاغانى الافلام المسلسلات قرفت من حالى انى بقضى وقت فراغى الشحيح فى هذا القرف زهقت من المحطات العربى اللى بليت نفسى بيها على كبر..
قرفت من الشغل ونظرية السوق الحرة والبيزنس والمكسب والخسارة وحرق الدم ولعبة القط والفار وفقع الزنب قرفت قرفت قرفت..
قرفت من الرفاق الفالحين فى التنظير ولعب الورق واصطياد النسوان واكتر من كدة مفيش ....
قرفت
حد يشاركنى القرف