دعا البطريرك الماروني نصر الله بطرس صفير في عظة الاحد 17 كانون الاول 2006 كما نقلته وسائل الاعلام اللبنانية
الى «وضع حد للتجمعات غير المنضبطة المؤذية خصوصاً لاقتصاد البلد». وأعرب عن خشيته «من ان ينال العائلة سوء من هذه التجمعات المختلطة، غير المنضبطة، وقد عرفنا أن فريقاً من المعتصمين يمنعون بناتهم من الاستمرار في المخيمات ليلاً، وهذا تدبير حكيم»، متسائلاً: «هل غاب عن أذهان المسؤولين عن هذه الاعتصامات أن هناك عائلات أصبحت في وضع اقتصادي شديد الاحراج؟ وأننا نصلي لكي يُنجح الله مساعي سعاة الخير للعودة بلبنان الى وضع طبيعي».

ربما نسي البطرك ملاهي ومراقص بيروت التي تنال من وحدة العائلات المسيحية والمسلمة على السواء
حتى اضحت الاعتصامات الليلية للمعارضة وحدها تهمة تعرض العائلة اللبنانية للنيل من كرامتها نتيجة اعتصام ابنائها وبناتها ضد حكومة السنيورة

احد الاصدقاء ( الخبثاء ) قال لي تعليقا على الخبر ان البطرك صفير معه حق وقلبو غاصص وما قادر يحكي بالضبط شو قاهرو
هات لنشوف ؟
لان اغلب الشباب المسيحي اللبناني مهاجر والبنات قاعدة على قلوب اهلها وشباب المعارضة من الطوائف المسلمة تحديدا الشيعة (حمشين ) وما بيلقوا غمزة من صبية حلوة خاصة وان بنات الشيعة محجبات واحلى وحدة فيهم بتشبهني :D

صديق آخر رد معترضا يا زلمة لا شو هالحكي !؟
اصلا كل البنات حلوين وما عاد في بنت بشعة ب لبنان
بعدين ما هي الخيم متفرقة
يعني كل حزب الو خيمة اعتصامه

البطرك كل قصدوما بدو بنات بيروت والمتن يتعرفوا على شباب زغرتا وعكار حتى لو كانوا مسيحيين ؟
احسن ما يصير في زواج مناطقي وتكبر شعبية سليمان فرنجية

وانت شو رأيك ؟
والله ما بعرف كنت متوقع السيد حسن نصرالله يخاف على الشباب والبنات ويأمر بتحريم الاختلاط بين المسيحيين والمسلمين اثناء الاعتصام والتظاهر
ما بعرف
حاسس انو البطرك ما بدو اللبنانيين يتعرفوا على بعض
سمعوا هالقصة
بعد ما انتهت الحرب وصار فينا نطلع على المنطقة الشرقية صرت اتعامل تجاريا مع احد المستودعات في منطقة الحازمية
بتذكر انو في موظفة بالادارة قالت لمدير المستودع المسيحي ايضا : مبين هيدا الحاج رحمة بيشبهنا وبيحكي مثلنا