صديقي ديسكفري:

مساء الفل ع الناس الجدعان :10:

شوف يا عم.. عايزك تجيب القاموس اللي قلت لك عليه ع الماسنجر قبل كدة وهو قاموس وزعوه علينا في المرحلة الثانوية وتقريبا اسمه قاموس لونجمان والمهم يكون فيه كلمة Learner's Dictionary. ولو حتى مش موجود مش مشكلة فيه قواميس زيه وموجودة ع النت وببلاش وممكن تجيبها من التورنت وأنت أبو الفهلوة.

ماينفعش القاموس العربي لوحده. لازم تجبر روحك على أنك تقرا وتفكر بالانكليزي بنفس طريقة الكاتب. قاموس المورد لوحده ما يسواش بصلة. لازم قاموس إنكليزي إنكليزي ويكون مزود بالأمثلة التوضيحية. لو التركيب التبس عليه بتروح للقاموس الانكليزي إنكليزي وتدور وتشوف هو عايز إيه وبعدين لو فيه سؤال تكون كتبت كل حاجة في كراسة ولما تطلع النت تشد لي إيميل وهارد عليك بالأجوبة. بس لازم يكون عندك كراسة تسجل فيها ملاحظاتك وياريت لو قلم فولوماستر أو فوسفوري شفتشي كدة عشان التلوين وبحيث لو قريت التعبير مرة يكون لزق في دماغك ويسهل الرجوع إليه.

فيه تراكيب نحفظها على بعضها وفيه كلمات نفهمها لوحده كلمة بكلمة. مثلا كلمة put يعني يضع ولكن لو أضفنا لها حرف الجرon يبقى معناها يلبس ولو أضفنا حرف الجر off يبقى معناها يؤجل أي postpone. هنا دور القاموس الإنكليزي الإنكليزي. فيه قاموس اسمه المغني إنكليزي عربي لـ حسن سعيد الكرمي وهو يعتبر أحسن من غيره لأنه أحدث وأكثر عصرية من سابقيه.

شد حيلك وقول لي عملت إيه وأنا معك يا حاج. نهارك عسل.