السيد ابراهيم ( سكر يا اخواتي ايه الحلاوه ديه بس ،، وسكر شويه عليك )
اولا ولان هز الوسط بيسعد معاليك هتكلم عليه ربنا يسعدك بالفرجه والنكته ويسعدني معاكي ( ولاني لا اعرف ذوقك في من يهزون وسطهم يظل دعائي لك على وجه العموم بان يسرّى عنك بمن تحب - انا شخصيا مش متذوق جيد لهز الوسط طبعا باستثناء ان احني القبعه للسيدات الأفاضل : تحية كاريوكا بحترم كل شيء فيها مقاطع وكليات ظاهر وباطن والفاضلة سامية جمال .. والهاربة من الهززان الى الاسلام سهير زكي والفاضلة ربيبتها السيده هندية ... وانت تعرف طبعا الثروة القومية عندنا من هؤلاء الفضليات محنا مصريين زي بعض ) . ... و طبعا عارف ان هؤلاء الفضليات رحلوا وضاعت الثروة وبددت في يد من يقومون اليوم بالتشليت اذا تعرف حد كويس ممكن تدلني عليه ينوبك ثواب يا سيدنا .

بخصوص عفيف الدين التلمساني ما ذكرته لك كنت معتمدا فيه على قراءة في التصوف من 4 سنين مضت وسأحيلك على المصدر بس ربنا يلهمني وافتكر موضوع وحدة الوجود عنده
وبخصوص الايمان بالله انا مؤمن بالله والانسان ( وبيعجبني هنا كلام سيدنا حسن حنفي المهدي الحالي تقريبا برايي هو اللي فاضل من التابعين وعقبال منكون احنا من تابعي التابعين اللي اكيد حضرتك عارفه ومولانا حنفي لخصه في مقدمته عن العقيدة والثورة اول تلاتين ورقه ).
ولا شك طبعا في ايماني بوحدة الوجود امال انا بحب الهنود الوثنين ليه بسبب وحدة الوجود ووحدة الوجود شيء اساسي في التصوف لو نزع منه ما كان هناك ابن عربي الحلاج رابعه القونوي الجامي الجيلاني البسطامي ....
وقبل ما انسى صح ممكن يكون مفيد لمن تساعده انا عندي رسالة دكتوراة كانت اتعملت زمان في الازهر عن الهروي ثواني هجبلك اسمها :
شيخ الإسلام عبد الله الانصاري الهروي - مبادئه واراؤه الكلاميه والروحيه . رسالة دكتوراه في العقيدة والفلسفة تاليف دكتور محمد سعيد عبد المجيد سعيد الافغاني ( من ع الغلاف ) بتهيألي مفيدة لانه الراجل تقريبا اللي كتبها كان ساعتها صوفي ومولانا ع الحليم محمود الصوفي هو من اهتم بها طبعا انت عارف ان ع الحليم ( محمود) ليه دراسات كتيره عن الصوفيه وخاصة اطروحة دكتوراة خاصة بالمحاسبي ( وعشان تتبسط كنت بدرس لبنت بوذية فكر ع الحليم محمود الصوفي جت مخصوص من يابان عشان تدرسه ... ) ما علينا .
المهم الرساله فيها مسرد لاغلب ما كتبه الهروي بالعربي والفارسي .اذا تحب ان اذكر لك معلومات خاصة منها تحت امرك خيرك مغرقنا مش كلام بصدق انت ربنا هيكرمك قوي يا سيدنا.
واخيرا للاسف ما عندي ما يباع لذلك سأظل ماشيا على طريق الصعلكة لحد ما ربك يعدلها وحد يشترلنا حاجه ..