صديقي يجعله عامر:

كيفك؟ شوف يا سيدي.. من طبع البشر في أي مجتمع في الدنيا أن يظن الظن الحسن بأيام زمان واللي تجد لها مرادف في جميع لغات العالم وفي الانكليزي بيقولوا The good old days. طبعا أنا مش عايز أيام زمان ورغيف وشوية مش من الجرة وكأن الحاضر لم يقدم لي شيء.

بالنسبة لإسلام الشدياق، الحقيقة وأنا عارف أنك هاتفهمني كويس فخليني أقول لك على اللي فهمهته واستنتجته. فيه كتاب حلو قوي قريته وهو تاريخ الأدب العربي لـ حنا الفاخوري. بصراحة الكتاب ده أحسن كتاب عجبني وحببني في الأدب العربي. وهو تكلم عن ناس كتير كنت عايز أعرف عنهم زي أبو العلاء اللي أنا هيمان بيه وأيضا قريت عن الشدياق. هل تصدق أن الشدياق كان عبقري لدرجة إنه إلى الآن له ترجمة للكتاب المقدس إسمها ترجمة الشدياق؟ طرائف الحياة! واللي ترجمها أسلم. ما أقدرش أقول إنه أسلم عشان موضوع أخوه وبصراحة لا أعرف شيء عن موضوع أخوه. لكن ما فهمته أنه كان شخص طموح وأحيانا يصل به الطموح لدرجة الغيرة والحقد على زملائه من الأدباء.. يعني شخصية طموحة+ وصولية. هو كان عايز يوصل ووصل. جت له فرصة وقابل أمير وحقق مناله.. ياريت أنا وأنت نقابل لنا أمير يتبنانا ويفك أزمتنا :lol:بس العربي بتاعه بصراحة ما بيطلعش لي من زور.. مثلا ابن المقفع من جيل أقدم بكتير ولكني أستطيب كتابات ابن المقفع وأبو حيان التوحيدي.. لكن الشدياق باحس أنه فلفوس.. عارف أنت كلمة فلفوس؟ يعني واحد يتفلسف ويتفزلك ع الفاضي. والآن عندي فضول أعرف ما حدث مع أخوه الماروني.. هو ليه أخ أسلم؟ ولا إيه اللي حصل بالضبط. هذا الجيل في عربيته أحيانا يتكلف تكلف لا داعي له ونفس الشيء في أشعار ناصيف اليازجي بتاع الأراجيز والمراجيح. :lol2: