المواضيع دى كلها بتقول لك ان الناس بدأت تتحرك
مش بس بالكلام لكن بالفعل
لما فاض بيهم اعترضوا و قالوا لاء عملياً
صحيح بعد خراب ملطا لكن قالوا لاء
و صحيح مش كلهم بياخدوا حقهم
لكن برضوا قدروا يقولوا لاء
سواء المتظاهرين علشان الماية
او الطلبة اللى انتقادوا مشروع لائحة العمل الطلابي بمصر

أو الخبر اللى جاى

عمال البريد يواصلون اعتصامهم برمسيس ويرفضون التراجع عن حقوقهم

http://www.alshaab.com/news.php?i=7522

تعرف ايه اللى بيحصل لهم دلوقتى؟

Arrayعاجل عمال البريد المعتصمين يتعرضون لضغوط امنية
جات لي رسالة ع الموبايل من خالد البلشي وماك بتقول ان عمال البريد المعتصمين برمسيس
بيتعرضوا لضغوط من الامن لفض اعتصامهم[/quote]


و احنا بس قاعدين نقول مفيش فايدة:hii:

رغم كل المساوء دى لكن دى بلدنا
فى ناس لازم تحركها مصايب
اكتر من كدا فى ايه ممكن يحركنا؟
مش صحيح كلام سعد زغلول ان مافيش فايدة
لاء فى فايدة و نص كمان
حتى لو ما اخدناش اى شىء من البلد دى
لازم نعيش بشوية كرامة
على الاقل علشان يكون لينا وش نقول لأولادنا اننا مش خرفان
(معلش سكسيبتيك استخدمت لفظ اعترضتى عليه قبل كدا
بس حكوماتنا بيشوفونا كمان اقل من مجرد خرفان )

دا رايى الشخصى ديسكفرى
يمكن لأن عندى أولاد و مش عايزة اكون مجرد صفر على الشمال قدامهم
و يمكن لأنى بفكر فيهم و فى مستقبلهم
لو علمتهم السلبية ما اظنش انى هفرح بيهم لما يكبروا
و كل حقوقهم تضيع منهم لمجرد كلمة "مفيش فايدة"
عجبيتى جدا الطالبة آية اللى قطعوا لها 5 ورقات من مادة الأحياء فى الثانوية العامة السنة دى
وقفت و رفضت تتظلم و رفضت انها تعيد السنة لمجرد ان الوزارة شافت ان دا مصيرها
صعدت مشكلتها لحد ما وصلت للوزير
و فى الأخر انا شايفة انها اخدت حقها
رغم ان مجموعها حتى ما يوصلهاش للمرحلة الأولى اللى حسب ما افتكر كانت وصلت ل96%
و البنت بعد تعديل درجاتها وصلت بس ل95 و كسور % لكن دافعت عن حقها
ادى نموذج ما استسلمش
18 سنة بس عمرها


فى امل:)