آية السيف بتتكلم عن واقعة معينة بداية سورة التوبة بتبدأ ببراءة من الله للمسلمين من عهدهم مع اليهود و الكفار يعني بتحكي عن واقعة و فترة زمنية معينة كان الإسلام فيها محاصر من أعدائه و مهدد و أصبحت خيانة الإسلام ساعتها خيانة للدولة ، التطرف بقى إنك تقول إن آية واحدة تنسخ أو تلغي أكتر من 120 آية بتتكلم في المطلق عن التعايش مع الآخر و ضمان حريته ، أنا أكرر دعوتي ليك إنك تقرا الكتابhttp://www.mohdy.name/pdfs/gzn_032.pdf على فكرة الإسلام المصري كان طول عمره إسلام معتدل من نوع إسلام الغزالي قبل ما أموال النفط تعمل مفعولها ، ما أعتقدش إنك ممكن تحاسب يهودي ناطورا كارتا عن آيات استباحة الدماء و سبي النساء و الأطفال في سفر التثنية و الخروج ، حاسب اليهودي المتطرف و مسيحيي المحافظين الجدد عليها، على فكرة المتطرفين في كل دين عندهم آيات في كتبهم المقدسة بيستندو على فهمهم ليها مش احنا بس اقرا تثنية 20 هتلاقيها أفظع من أي آية سيف بس ما تروحش تحاسب مسيحيي السلام الأخضر عليها شوفهم يمكن بيفسروها زي الغزالي كدا

محمد دخل مكة فاتح لكنه لم يرق دما ، المسيح كمان دخل القدس فاتحا على حمار و أتان لكن أول حاجة عملها إنه قلب الهيكل رأسا على عقب و قال : هاتوا أعدائي الذين لم يريدوا أن أملك عليهم و اذبحوهم قدامي لوقا 19:27 طبعا شتان بين دا و بين اذهبوا فأنتم الطلقاء و كانوا أعداؤه برضه دا غير إن مكة هي اللي خرقت معاهدتها مع محمد بالاعتداء على خزاعة و بالتالي كانت فرصة ذهبية لتحطيم الوثنية في بلاد العرب ماعتقدش إنك تلومه إنه ما فوتهاش

الدول العربية كمان ماكانش بيحكمها الإسلام لما دخلت في صراعات بينها بس أوربا القرون الوسطى كان البابا بيلعب دور أساسي في حروبها حروب البروتستانت و الكاثوليك لعب فيها رجال الدين الكاثوليك دور حيوي ، الحروب الصليبية كذلك