اتفق مع الاخ بسام الخوري في ان مصر كانت احلى في الخمسينيات ، وهذا محل اجماع من جمهور العقلاء ولم يشذ عنه الا من كانت شهادته مجروحه بفيلا اكتسبها او قطعة في مارينا وخلافه .
لا اظن ان المشكله في الزياده السكانيه فانا مثلا اعيش في مكان شعبي في مصر مملوء بالسكان ورغم ان الاخلاقيات مترديه والتفكير منعدم تماما الا في ( الهيافه ) لكن اهل هذه الاماكن في مصر كلها لا يُقام لهم اية اعتبارات ولا شأن لهم بالتغيير
هقولك مثل ساذج بس ربما عبر عن شيء ( العماره اللي قصادي مثلا المفروض ان سكانها عايشين في دور انهم اغنيا [ غلابه مبيركبوش مواصلات ويشفوا الناس البرجوازيين بجد ] ولد الجاره اللي قصادي بيطلع مخصوص ( يتف = يبصق ) في الشارع ويرمي اكياس الاكل والبسكوت لما قلتله عيب يا بابا المفروض الناس الحلوه مش بتعمل ده تعرف امه خريجة السربون[؟!] قالت ايه : انت عاوزه يكتم التفه وما يرمي في الشارع ايه المشكله رغم اني انا ووالدي بنحافظ جدا على نظافة الشارع ........ المهم مفيش ادراك اصلا عندهأ والست ديه المفروض احسن من غيرها ممكن حد تاني كنت قلتله كده كان شخرلي او مكنشي رد عليا اصلا ..... هؤلاء الناس انا انظر اليهم بعين الشفقه اعتبارا للعقيده الهنديه : انا = انت = هو = هي = الكل ، فاحمد الله على انني نظرت للحياة هكذا وارجو لهم ان يفهموا الصح من الغلط
من المفروض ان هؤلاء لو تغيروا وهم كميه كبيره من السكان بالطبع سيكون لهم دور جيد في تحسين صورة مصر
لكن المشكله في النخبه ( ان صح التعبير )
من يحسبون على الفكر والثقافه حينما يبيعون انفسهم للمناصب والكراسي وحينما يتوقفون عن التفكير ( وهذا قد حدث بالفعل من فتره ) !
موضوع انه لا يوجد طبقه وسطى في مصر الان صحيح يا نسمه
يا تاكل يا تجوع يا تلبس يا تتعرى والكل شغال في الاختيار الاول
اذا قريتي في الحكايات والتواريخ الخاصه بهذه الفتره يا نسمه هتعرفي ان مصر كانت في اجمل فترات حياتها الخواجات كانوا حابين النظام في مصر جدا
الابحاث العلميه كانت مثمره كان فيه نهضه فكريه فعلا وعلى راي راجل مصري الماني ما في ابحاث علميه بعد الخمسينات في مصر قلتله يعني حضرتك تقصد في اي مجال ادبـي وكده قالي وعلمي وكل شيء
يا جماعه الراقصه كانت في هذه الفتره تكتب الشعر والقصه
المشخصتيه كانوا بيقروا
هنقول ايه بس ..................... معلش اثقلت عليكم