مرحبا بالاخ الفاضل Charactos
على راي نسمه كتابة اسمك بالعربي هتكون مريحه زي الواد روقه مثلا ،، ما علينا
الحق اقول لك : اغرس نفسك في ارض الخمول فما نبت مما لم يغرس لا يتم نتاجه .
ليس المعنى الصوفي اقصد ، ولكن المعنى الحرفي للكلام مع تحويره
يعني مثلا ممكن تحضر في مجتمعات ادعياء الثقافه وتشوف المسرح شغال ازاي هيقولوا كلام قدامك مكلكع ومصطلحات وكده على اساس انهم جهابذه انت يا ولداه هتشك في نفسك وفي تصاغرك امام علوهم الفكري هتشتغل المناكيش عشان تعرف ايه حكاية الكلام اللي بيقولوه وهبـــــه هتلاقي السناره غمزت وطلعلك كتاب شبط في ايدك
... منفعش معاك الاقتراح ده
اسمع افلام زي ما الطبيب نصح وعيش في الفيلم شويه ويا سلام لما تتبنى ما فيه على راي اعلان قديم : تعاطفك لوحده مش كفايه اتبرع ولو بجنيه ..
يعني مثلا اذا شاهدت فيلم شيفرة دفنشي هتلاقي كلام عن فرسان المعبد والغيط والكلام ده دور كده لو لقيت حد كتب عنهم بالعربي ابقى قولي ، لكن هتلاقي كلامم بالهبل بالعنجليزي ممكن تقراه وتبقى تقولي ربنا يرضى عليك ،، يمكن نكمل كلامنا