الكذبة الأمريكية؟

يا راجل قول كلام غير ده... فين الكذبة دى.. مهم سابو الإنتخابات فى العراق و فلسطين و كانت النتيجة ايه.. العراق يا حسرة عليه اصبح ماضى. اما فلسطين فلما فازت حماس لم تخرج إلا بنفس برنامجها بس بعد تجميله. يعنى محدش عنده استعداد يقعد و يبنى حاجة بجد.. الكل همه تدمير "العدو"

المشكلة ان سكان هذه المنطقة التعساء و بعض ساستها لم يستوعبوا بعد مفهوم العولمة.. لن اقول تحول العالم إلى قرية صغيرة و لكن اقول تحول العالم إلى دولة فيدرالية كبيرة.. حاجة كده زى شركة متعددة الجنسيات. قرارات فرع من فروع هذه الشركة قد تؤدى لكارثة إقتصادية تهدد كيان الشركة. كذلك الدول.

مثال .. لو انت رئيس مجلس إدارة شركة عالمية كبرى ذات اسهم فى البورصة و بقراراتك الغريبة (لن اقول الغير محسوبة) تراجع سعر السهم فى البورصة اسبوع بعد اسبوع. فى آخر العام مثلا اصبح سعر السهم مثلا نصف ما كان عليه قبل تعينك .. ماذا تتوقع من المساهمين؟ هيشلوك على طول و يعينوا واحد تانى مكانك لآن محدش عايز يخسر (بما فيهم انت و انا و كل سكان العالم) هنا المساهمين قد يكونوا شعبك و قد يكونوا شعوب دول اخرى تضررت من قراراتك.

يعنى مبدأ القرار الوطنى و البطيخ ده ملوش وجود بالمعنى الحرفى. أى قرار يتخذ يجب عمل حساب مدى تضرر او نفع الجيران. لآن الكثرة تغلب الشجاعة يا صاحبى. و موتى مش هينفعنى ولا هينفع بلدى بشئ كحياتى.

سيبك بس من الأطراف و خليك فى الأساس. القضية ان روح البناء فى الشرق الأوسط دخلت فى سبات شتوى منذ عقود و الله اعلم هتخرج منه إمتى. القضية ان الناس مش قادرة تتناسى الماضى بكل آلامه و تنظر للمستقبل. الكل - للأسف - سواء ساسة ام شعوب غارقين فى فى وحل مستنقع الغضب الأعمى و الإنتقام.

مفيش حد عنده استعداد يطلع و يقول "خلاص يا بشر... خلو الماضى مدفون لحاله و دعونا فى واقعنا الآن نبنى لمستقبل افضل من هذا الماضى حتى لا يتكرر".. الكل غرق فى مستنقع الغل سواء بإراده او لكى بعدمها (عشان ميخسرش مؤيديه)

طبعا دا غير جيوش المنتفعين من هذا الوضع اللى هم بالمناسبة ممكن يكونوا اهلى و اهلك و اهل هذه المنطقة التعساء"