Arrayيا عيب الشوم عليك يامسيو طبيعي شو إنك بتحب الكلام الذي يعف اللسان عن ذكره وبتركض عليه ركض![/quote]

أنا فوجئت بالكلمة في أخر الكليب خاصة أنها وسط مجموعة من العلماء والأساتذة المحترمين لكن عامة الكلام الذي يعف اللسان عن ذكره لو وظف بطريقة سليمة في الحوار ولم يستخدم عمال علي بطال وقيل في التوقيت واللحظة المناسبة بيكون له نكهة مختلفة وبيوصل الفكرة بأسلوب سهل ومباشر للمتلقي, يعني أنابدل كل الرغي اللي كتبته ردا علي خالد عم دوكنز جاب من الأخر فلم يعد مقبولا اليوم مناقشة نظرية التطور والمناظرة حول صحتها من عدمه ولكن الإستفهام عنهالأن المناظرة والجدال حولها وخاصة مع خصم لايمتلك سوي أسطورة أدم وحوا شئ عبثي وإكرام لمن لايستحق التكريم بل التعليم.


Arrayعالأقل اشتغل شغلة مفيدة وترجم لنا شي مفيد بعد ذا الفاصل الترفيهي اليوتوبي.مثلآ. مناظرته في المجلة العلمية الأمريكية ( هل يجب أن يخاطب العلم الإيمان ?Should science speak to faith)..أعجبني التعليق النقدي عليها في مجلة بريطانية وإن وضعت خلاصة المقالة- باسلوب محترم - سأضع خلاصة النقد[/quote]

ترجمة معطلكيش وكمان خلاصة بأسلوب محترم فهذا مالاقبل لي به حاكم أنا متعقد من الترجمة والقصة بإختصار :10: إني كنت رايح إمتحان في فيلادلفيا وطبعا بسبب فتاكتي لم أحجز في أي أوتيل مسبقا وقلت أنا أأجر عربية محترمة وأروح والموتيلات علي قفا من يشيل وبالفعل ركبت الناقة وشرخت ووصلت حوالي الساعة 12 ظهرا ومن ساعة ماوصلت لغاية الساعة خمسة بعد الضهر وأنا عمال أدور علي مكان يتاويني ولاحد أرمي بلايا عليه مفيش وكل الموتيلات full والموتيلات التي فيها أماكن تقع في مناطق الwar zones بتاعة فيلادلفيا وتستطيعي أن تسمعي صوت تبادل إطلاق النار بوضوح :25:ونظام بقي زي لوكاندة الحسين سرير ولا دكة ياكابتن وعالم بنت دين كلب زبالة واللي ضارب كراك واللي هربان من حكم نفقة وتهريج الخدامين شئ أساسي لامفر منه لدرجة قلت إني أركن العربية في الشارع وأنام جواها لغاية الصبح وأخيرا لقيت حجرة بدون حمام في موتيل تملكه جماعة دينية مسيحية متطرفة قلت وماله أحسن من نومة العربيات وبالفعل وافقت أخد الأوضة والولية اللي علي الfront desk وكان عمرها حوالي 70 سنة راحت مناولاني ورقة فيها تعليمات وشروط الإقامة في جنة الخلد; ممنوع التدخين , ممنوع تناول المشروبات الكحولية وتعاطي المخدرات , ممنوع السيكو سيكو حتي لو معاك زوجتك والرجال لهم دور والحريم دور , ممنوع القيام بأي نشاط غير أمريكي كإشعال البخور وتلاوة تعاويذ وصلوات شيطانية(وغلاوتك الكلام ده كان مكتوب في ورقة التعليمات وليس مبالغة مني) ومعينين واحدة سودا لابسة ملابس من القرن الثامن عشر قاعدة قدام الأسانسير للإشراف علي تنفيذ التعليمات والتبليغ الفوري عن أي خروج علي نظام الحكم بالموتيل وعلشان أشرب سيجارة لازم أنزل من أوضتي وأسلم المفتاح للقرشانة بتاعة الfront desk وأخرج بره أدخن وأرجع أخد المفتاح وبيني وبينك أنا زهقت من عملية تسليم وتسلم المفتاح فقلت أضرب صحوبية مع الولية القرشانة دي خليها تحل عن سمايا شوية وتسيبلي المفتاح وبالفعل قعدت أرغي معاها في أي كلام وأعتقدت إني كلت بعقلها حلاوة وأنا نازل أدخن سيجارة طنشت ولم أعطها المفتاح ولسه هحط رجلي خارج الموتيل لقيتها بتنادي عليه وبتقولي هات المفتاح يابن دين الكلب ولو عملت كده تاني هرميلك حاجتك في الشارع فأدركت إن مفيش فايدة من المقاومة وإن المكان كله محاصر المهم أديتها المفتاح ودخنت السيجارة ورجعت علشان أخد المفتاح لقيت عم بهايم واقف قدامها وهي بتكلمه وبما إني إنسان متحضر وقفت وراه أنتظر دوري لكن الموضوع طول وأنا مبحبش الطوابير فبدأت أركز في الحوار الدائر لقيتها بتقول لعم بهايم إنهم لازم يعملوا إصلاحات في غرفته غدا ولازم ينقل حاجاته من الأوضة ويوديها أوضة تانية وعم بهايم متنح ومبيردش وعمال يشاور لها علي ساعته المهم الولية القرشانة أول ماشافتني أنفرجت أساريرها ولقيتها بتقولي فهم الحيوان ده الكلمتين اللي أنا بقولهم أنا قلت طيب وأنا هفهم الحيوان إزاي لقيتها بتقولي ماهو الحيوان ده مصري زيك:D أنا قلت لو كده بسيطة ورحت بالفعل مفهم الحيوان المهم كلمة من هنا كلمة من هناك عرفت إنه عقيد في المخابرات المصرية جاي أمريكا دورة تدريبية لمدة ستة أشهر طبعا قولتله طيب هتدرب إزاي وأنت مبتعرفش تتكلم ولاكلمة إنجليزي!!! لقيته بيقولي أهو ده اللي حصل وأنا وقعت من السما وأنت إستلقتني وأبوس إيدك تعالي قول لي الكتب اللي مديهاني فيها إيه وأي خدمة من مصر أنا تحت أمرك , بيني وبينك أنا الشيطان لعب في دماغي وقلت أشوف بيدرب علي إيه هذا الحيوان وبالفعل رحت معاه غرفته وطلعلي الكتب والمذكرات لقيتها كلها عن جهاز كشف الكذب والطريف إن كلها عليها عبارةconfidential وغالبا إبن دين الكلب مصر بعتاه أمريكا علشان يتدرب علي الجهاز لإستخدامه بعد مرحلة تعذيب الضحية وعم بهايم تلاقي له واسطة جامدة هي اللي جابتله هذه البعثة وبعد أن أطلعت علي ماعنده وأفهمته محتواها العام مع ترجمة بعض الكلمات الشائعة ( واحد جاي أمريكا ياخد دورة في جهاز كشف الكذب مش عارف إن إسمه polygraph شفتي خيبة أكبر من كده<_<) قلتله أستئذن بقي علشان عندي إمتحان الصبح ولقيتلك ده بيقولي أنت مش هترجملي المذكرات دي وكنت ناقص لامؤاخذة أشخرله وفهمته إن النظام هنا غير في بلدهم لما أبوه العمدة يجيب واحد يقراله المرسال اللي جاي من البندر ومن يومها عاهدت الله والوطن إني لاأترجم شئ واللي يفهم يفهم واللي مايفهمش شاله ماعنه فهم.