Array مما غلف تلك الرسائل بغلاف رقيق من الشك والتخوف كان كتابها او كاتبها المجهولون وهذا كان له ايضا اثر كبير فى نشرها

ووجدت كلمات غريبة على " مثل الأرثماطيقى " وغيرها[/quote]

أخويا الغالي بني آدم:

أولاً، سعيد أن ربنا تاب عليك من ساحة البعككة المسماة ساحة الأديان واللي بيحصل فيها ليس غالباً حوار ديني وإنما هو بعككة ولغوصة في البتاع :10: اوعى تسألني إيه هو البتاع:D

سانياً، وده الأهم يا حاج، :cool2:، جماعة إخوان الصفا هم ورثة شرعيين لفكر عالم الرياضيات فيثاغورس وما لازمه من غنوص. لازم تكون الأول عارف ما هو الغنوص. بس كل هذا وما يلازمه من فضول لن يجيبك عليه بشكل بسيط وسلس ويخليك تفهم الفولة واللي فيها إلا الاسطى حنا الفاخوري. رفعت عشان خاطرك بس مجلدين هما جزئين في كتابه الشهير تاريخ الفلسفة العربية. بعد شوية ها حط ليك الوصلة. لكن أحب أقول لك حاجة. لو سمعت إخوان الصفا أو الطائفة الإسماعيلية فتعرف أنهم جمعوا العرفان الصوفي والمعروف عند فيثاغورس بالغنوص GNOSTICISM بالعبادة لله في بساطتها الجميلة. فيثاغورس كان رجل غنوصي وليه نمط حياة غنوصي نباتي كأنه مثلا يفضل الفول المدشوش على اللحمة. كلمة غنوص من طريقة كتابتها بالحروف الانكليزية/ اليونانية معناها "المعرفة" والمقصود هنا هو المعرفة الباطنية والتي تعتمد لا على حواسنا الخمسة ولكن على الحاسة السادسة اللي عند شقائقنا الحريم والبعض يسميها بالـ حدس أو الـ intuition. البت عطيات جارتنا ( أمو.... مكسوف أقول، ابقى اسأل يجعله عامر هايقول لك أمو إيه ! ) مثلا كانت تقول لجوزها حدسي ما يخيبش يا خويا وقلب المؤمن دليله وبنت اللزينا كانت تقول حاجات ما نعرفش نقولها بالمعرفة العادية ولكن شيء كدة رباني لله في لله يخليها تقول حاجات بالحدس وتكشف أمور مخفية عن عنينا وحواسنا المادية. ده إسمه عرفان. واسمه عند فيثاغورس غنوص. وفيثاغورس، الله يرحمه ويفشفش الطوبة اللي تحت راسه، كان راجل روحاني على مذهب الغنوص ويلعب بالأرقام لعب واستخدم الأرقام لكشف المستور وده اسمه علم الأرقام numerology والمنهج على بعضه إسمه OCCULT والجماعة اللي بيعملوا القواميس واللي بريالة ترجموها حرفياً على أنها سحر والحقيقة هما غلطانين وحتى الأمريكان المتدينين اللي بريالة منهم وما اكترهم خاصة في الدوائر الدينية سموها بالسحر ولكن ضلوا ضلالا مبيناً وهم في الآخرة من الخاسرين والسبب يا حاج أن الكلمة معناها مش سحر وإنما "علم الأمور المستورة".. كونك تربط الحاجات دي كلها ببعض في إطار إيماني هو عمل إخوان الصفا ومن حذا حذوهم في ما بعد من الكثيرين من أبناء الطائفة الإسماعيلية وابن عربي وكل من اهتم بدراسة الأرقام وربط ذلك بالغنوص بالإيمان بالله الواحد الأحد أو آمن بأي حاجة في أي حاجة.

عارف يا حاج وماليك عليّ يمين.. حاسس أني لغوصت الدنيا في بعضها ولكن أنا مجتهد وعلى قد علمي قلت لك.. الكلام ده سمعته من الرجالة وهما بيرصوا كرسي معسل في القهوة اللي ع الترعة جنبنا. لكن قلت لنفسي مايصحش ياد يا براهيم هات المراجع وخلي الكتب تتكلم وتنطق بالمفيد وعشان خاطرك رفعت لك كتابين هنا ويتناولوا كل اللي تقوله فرجاء قراءتهم بتأني شديد وستجد أنك كدة بقوة قادر بقيت عالم وفقيه وكل حاجة تخطر على بالك.
انقر هنا لتحميل الجزء الأول من تاريخ الفلسفة العربية واحفظه على جهازك أو تعمل رايت كليك ثم save file as مثلا

برضو الجزء التاني شرحه يا حاج تعمل رايت كليك وتحفظه على الدسكتوب وتدعي لي


الاسطى عجوة:kiss: