Array
العواف again يا ليلى (f)

ممكن تسمحي لي بالرد على سؤالك، لو سمحتِ؟
"ايه الفرق هنا بين العلمانى و الدينى 'Beautiful Mind' ، نفس التشدد و نفس العصبية، وجوه مختلفة لنفس العملة.
الكل عايز يكون هو السائد و الباقى متنحى."

أكيد التشدد وارد عند الكل دي ما فيهاش كلام ولكن في ظل النظام العلماني لا سيادة لصوت على صوت آخر. مثلا لا يعلو صوت الإسلام ويصبح هو له اليد العليا ويزعجني بمكبرات الصوت لمجرد كونه الإسلام. ولكن له صوت مثله مثل أي صوت ويجب سماع جميع الأصوات بشكل متكافيء دون سيادة واحدة على الآخر أو معاملة واحد وكأنه أقل من الآخر. ما أراه في أوروبا وأميركا وروسيا ههههه أحسن بكتير من اللي حاصل في العالم المتخلف العربي حيث مجموعة تستأثر بالرأي وتفرضه على الباقين فرضاً. النظام العلماني كنظام سياسي أفضل النظم الموجودة على وجه الأرض والتي بسببها تقدمت أوروبا وأميركا. ماذا يقتل الإبداع؟ أني أتي وأتحكم فيك أو العكس. العلمانية هي استقلالية الفرد في النظام الاجتماعي وكل واحد حر في نفسه. نهار ك سعيد (f)
[/quote]
إزيك يا اباهيم(f)
انا فاهمه كلامك كويس جداً و عارفه ان العلمانية مش بالصورة اللى 'Beautiful Mind' بيتكلم بيها
انا اتعاملت مع علمانين هنا فى النادى فى قمة الرقى، و عارفه فكرهم عامل إزاى.
لكن اسلوب 'Beautiful Mind' فى الكلام ، و الكلمات اللى استخدمها ، هى نفس الأفلاظ اللى بيستخدمها أى متعصب دينى
يعنى لو العلمانى العربى بالشكل دا ، يبقى مافرقش كتير عن الدينى.
و زى ما سبق و قلت ، كلنا بيكون فينا ساعات النزعه دى للاسف، لكن الاهم اننا نحاول تخلص منها .

لاحظ معايا الألفاظ يا ابراهيم
لا يساوي الدينين شيئا و لا يعتد بهم
الدين تفاهه

يعنى عايز تطلع بكلام بالشكل دا لدول اغلبها دينين ، أى كان الدين ، و تتوقع أن حد هايسمع أو يفهم.
خطاب العلمانى لازم يكون موافق مع فكره ، علشان يكون له تاثير.
نفس الفكرة قلتها فى موضوع الزميل بهجت عن الإخوان المسلمين.
الفكره ابراهيم اننا ممكن نحمل فكر مستنير جداً ، لكن للاسف ادواتنا مازالت بدائية جداً، علشان كدا بنفضل محلك سرو فوق كدا بنكسب أعداء لنا مش ناس حتى تحاول تشوف افكارنا بشكل صحيح.
انا مش ضد أى تيار و لا مذهب و لا طائفة، الفكرة كلها ان لازم الكل يتقبل التعايش مع الكل من غير تحقير للاخر، لا أكثر و لا أقل.
و انا اعنى "الكل" بمعنى الكلمة .

يعافيك ربى من كل سوء يا رب
:wr:


ملحوظه
سيبك من روسيا، الله يعينهم على اللى هما فيه، سيبك من الإعلام مش بيقول الحقيقة على فكره، الناس هناك بتعانى بشكل غير محتمل.
والدتى من فتره قصيرة قالت لى ،احنا فى مصر بالنسبة لهم فى نعمة كبيرة.
صدقنى الناس بتطفش من البلد.:(