توضيح هام

ماذكرته في مداخلتي عن الطبخ والغسيل ونظافة البيت كنت أقصد به التفاصيل اليومية المتكررة

المرأة لها تأثير حضاري علي الرجل يعني بالعربي أنا شخصيا في الفترات التي أقمت بها بمفردي كنت بعد مدة أجد البيت تحول لصفيحة زبالة والأكل في أطباق ورق ومعالق وشوك بلاستيك وحتي علي المستوي الشخصي شكلي بيبقي عامل زي الهكسوس وأول ماتظهر واحدة في الأفق تلاقي الشقة بدأت تنضف وأنا رجعت أستحمي من جديد:lol:وبدأ البيت يبقي فيه ورد وشمع معطر

الإقامة مع واحدة شئ مختلف تماما عن العشا في المطاعم والفسح بره البيت اللي بتحصل في أول فترات التعارف وكل واحد بيبان علي حقيقته بعيدا عن حركات عبدالحليم حافظ وزبيدة ثروت

طبعا أنا كنت متوقع إنه يحصل تغيير راديكالي في أسلوب حياتي بسبب الوافد الجديد لكن تفاجئ أن ماقبل = مابعد وتلاقيها هي نفسها داخلة عليك بنفس عبوة الأطباق الورق والشوك والمعالق البلاستيك اللي هروا جتة الواحد وطبعا علي طول الواحد بيهرش نظامها

طيب فرقت إيه قعدتي لوحدي أو مع واحد صاحبي عن إقامتي معاها:?:

طبعا موضوع الأطباق الورق والشوك البلاستيك ده البعض سيعتبر إنه موضوع تافه لكن فعلا عن تجربة إدمان إستخدام الهباب ده لسهولته وعدم إحتياجه لغسيل بيخلق جوة البني أدم شعور بعدم الإستقرار وإن مفيش حاجة لها قيمة وكل شئ disposable وفي فرق ضخم بين إنك تقعد علي سفرة وقدامك الأكل محطوط في أطباق صيني وشوك ومعالق ستانلس ستيل وتقعد هي تشخلل بيهم:9: - صوتهم بيبقي زي سيمفونية ـ وبين إن كل واحد ماسك طبق ورق وحاطط بوزه في التلفزيون

طيب حاجة كمان
تبقي قاعد تتفرج علي التلفزيون تلاقي مفيش حاجة مشتركة بينكم أنت عايز تتفرج علي فيلم عربي لعاطف الطيب:P وهي عايزة تشوف برنامج American idol وطبعا لو رضخت وقعدت تشوف الفيلم معاك لازم تشتغلها مترجم

حاجة تالتة
ولاد دين الكلب مهووسين بشكلهم وتلاقيها صارفة شهريا علي الكوافيرات والضوافر 500 دولار شهريا وتبقي قاعد تتكلم معاها في موضوع مهم ودي حاطة قدامها طقم عدة جراحة وعمالة تبعبص في ضوافرها بالساعات كأنها بتعمل عملية في المخ لواحد وطبعا هي ولاسامعاك وكل شوية تسألك إيه رأيك فيهم دلوقتي وطبعا تحاول تاخدها علي قد عقلها وتقولها حلوين علشان تتهد وتقعد ودي ولا في فايدة وتروح مكملة وشوية تروح داخلة علي حواجبها وليلتك تبقي سودة لو بدأت تلعب في شعرها

أنا بقي قعدت مدة مع واحدة مصرية كانت من أروع فترات حياتي ننزل نشتري حاجات من السوبر ماركت سوا ونقعد نطبخها ومفيش مانع من أوين سريع في المطبخ عقبال ما الأكل يستوي:lol: وتلاقيها راحت حاطة الأكل في أطباق صيني وعاملة منظر علي السفرة نخلص أكل نقعد نتفرج علي التلفزيون ونعرف نلاقي حاجة مشتركة بينا نتفرج عليها ونروح عاملين أوين كمان علشان نهضم:lol: ندخل ننام تلاقيها عاملة الفوط علي السرير علي شكل حيوانات تروح رازعها أوين تالت مكافأة لها :lol:وتقعدوا ترغوا مع بعض شوية قبل ماتتخمدوا وتلاقي في تغيير حقيقي حصل في حياتك

هو للأمانة المرأة الغربية فيها ميزة إنك ممكن تقعد طول النهار تشتم فيها وتسب سلسفيل اللي جابوها بالعربي وهي مش فاهمة حاجة وفاكراك بتقولها كلام رومانسي