{myadvertisements[zone_1]}

النظام الخطي هرتلة..

-ليلى- عضو رائد المشاركات: 3,167 الانضمام: Feb 2005 مشاركة: #10 هرتلة.. § الكهرباء لما بتتقطع بتروح فين؟! سؤال مالوش معنى ايه علاقة القطع بانها بتروح حتة تانية علاقته انه شىء مرئى اتعودنا ان الشىء المرئى عندما يختفى فاكيد راح مكان تانى النور لما بيقطع بيروح فين؟ النور لما بينقطع معناه ، إن حصل حاجه ادت لإنطفاء النور ايه هو السبب؟ § لو فيه شجرة وقعت على الارض فى الغابه، هل بقية الشجر هيضحكوا عليها؟ الشجر ما بيضحكش طيب ليه فى دراسات حديثة و ابحاث اثبتوا ان النباتات اللى تتواجد فى محيط به موسيقى تنموا بشكل افضل؟ هى بتسمع؟ § ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟! كناية عن الترحيب مش اكتر § لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟ لأنها سياسة كل المطاعم § ليه بيقولوا (الحب أعمى)، ومع ذلك كل أغاني الحب عن (العيون)، نور العين وسحر عينيك وعينيك واحشاني وعينيك كدابين وحبيبي وعينيه أصلاً؟! § طيب لو كان الحب اعمى ..ليه واكلين دماغنا بالحب من اول نظرة؟ لأن الحب إحساس ، و الإحساس مابيميزش بالشكل و لا باللون § لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟ اصلا مش هتضايق لأنى فعلا كابتين و اسمى ماجد يبقى الناس مش غلطانه فى حاجه § الأخرس بيكلم نفسه إزاى؟ النفس مش محتاجه لسان علشان اكلمها هو حوار داخيلى § ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعة! يعنى مش مهموم صحيح يعنى نايم بسلام § إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟! عنوان النادى الاهلى شارع الجبلاية بالزمالك رقم التلفون 27352113 27352114 التأكد من المعلومات بسيط جدا اتصل برقم 140 دليل و تاخد العنوان و رقم التلفون § ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟! لأن الآثار شامله كل الاثار اللى فى مصر § ليه الناس مابتقولش (الرياضة فايز ومهزوم) غير لمّا تتغلب؟ لأنها من الكلمات المأثورة § ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟ لأننا مش بناكله احنا بنحتاج بس ريحه الخوخ الجذابة § ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟! يمكن علشان يقدر يركز اكتر § ازاى تقدر تعرف المسند بتاع كرسيك فى السينما؟ مسندك حسب الصف اللى انت بتدخله يعنى لو دخلت من الناحية الشمال فهو اللى على اليمين و العكس لأن كل كرسيين لهم مسند مشترك فيبقى الطبيعى انك هتاخد اللى تقدر تسند عليه لوحدك § ليه الناس بتقول لأي حد في الشارع "يا باشمهندس"، ما عدا المهندس فعلاً.. بيقولوا له "يا دكتور"؟! معلومة غلط بيقولوا الالقاب عشوايا وانت وحظك يا اسطى زود عليهم كلمة يا باشا و يا بيه § ليه بيقولوا في الأخبار، مصرع 9 في فلسطين، ومصرع 50 في بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة! لأنهم بيقولوا الاخبار بالتفاصيل § ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منور وباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس على الزرار تاني؟! للتأكيد مش اكتر، يمكن الزرار عطلان § ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر". تتوقع إيه من واحده هايفة:D § إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟! انت الأتنين بيقعدوا فى الدنيا § لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟ لازم تسأل ضابط شرطة § طيب هل حصل فعلا فى يوم من الايام أن فيه واحد (ضرب عصفورين بحجر)؟ ممكن ، لو كانت قوة الضربة كبيرة ، هايكون العصفور المضروب بنفس قوة و حدة الحجر فهيموت العصفور اللى جامبه § ليه لما يكون الواحد جوه عربية والعربية داخلة هتعدى من نفق؟؟ تلاقى الواحد يوطى رأسه كإنه هو شخصياً اللي هيعدى من النفق مش العربية؟! لأنه بيكون رد فعل طبيعى ، اتعودنا على اننا نوطى لما ندخل مكان ارتفاعه اقل من إرافاع اجسامنا فيتكون فى اللاوعى عند بعضنا الرد فعل دا بمجرد ما تمر بمكان يحسسك انه لازم توطى § ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟!). معناها ايوة ، اتفضل اطلب § ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟! هما يعنى اللى ادوك العنوان لأنه إحتمال يكون اتوصف لك المكان مش بس اتكتب العنوان § ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟! لأنه غالباً بيكون اللى بتندهله قدامك و انت بتبص له و هو بيبصلك لكن بشكل عام الكل ممكن يبص للى بينده § بيقولوا (لكل قاعدة استثناء)..طيب ايه الأستثناء بتاع القاعدة دى؟ الإستثناء بيكون شىء اختلفت ظروفه عن الظروف اللى اتوجدت بسببها القاعدة § ليه لما حد يحب يدى معلومة بيبدأ الجملة بكلمة (بيقولك)، (بيقولك العربيات رخصت)! لأن فى حد بيقول لك المعلومة اللى انت بدورك بتقولها لغيرك § ليه فيه ناس لما تعدى عليها وتقول (سلامو عليكوا) ما تسمعش منهم غير صوت بيقول "وع.. س س.. هه"؟! يمكن لأنهم مش عايزين يردوا او عندهم حاجه فى احبالهم الصوتيه اسالهم ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟! دايما فيه واحد اول مرة يشوفه لأنها بتتمنى لك انك تقضى وقت ممتع للمرة الالفين § طيب ليه المذيعة بتقول أعزائي أفراد الأسرة.. وهى ما تعرفش حد فينا؟! لأن دا من آداب الحوار § ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام"....طيب اللى بيسأل على مكان الحمام المفروض يشاور على ايه؟ مش بيشاور اصلا بيقول السؤال و بس § اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟ فاقد حاسه الشم § طيب ليه اللي يسألني عن الساعة لازم يحلفني "الساعة كام والنبي؟!". لأنها اصبحت عادة § ليه لما تقول لواحد حاجة ومايسمعهاش كويس تلاقيه هو اللي علاّ صوته فجأة (بتقول ايه؟!). دى غريبة شويه مش عارفه الرد لكن ممكن علشان يحفذك انك ترد عليه § ليه الواحد ما يشربش إزازتين "مزيل دهون" علشان يخس؟! لأنه محدش اخترع لسه مزيل دهون نشرب من إزازتين § اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟ مكتوب عليه (غشيتها):D § لو " رُكب" الإنسان كانوا ورا مش قدام، كانت الكراسى هيبقى شكلها ايه؟ سؤال وجيه لازم حد يكون ركبه مقلوبه علشان نقدر نطبق عليه الشكل المناسب له § ليه الواحد بيدوس على الريموت كنترول بقوة وعنف لما الحجارة بتشطّب؟ لأنه عارف انه بكدا إحتمال يبقى لسه فى بواقى شحن فى البطاريات § التوأم الملتصق لما بيدخل السينما ، بيقطعوا تذكرة واحده ولا تذكرتين؟ مش عارفة لكن فى اغالب واحده لأنهم فعلا بيقعدوا على كرسى واحد او يمكن كمان مابيقطعوش تذاكر خالص بياخدوها هدية من السينما § ليه الكبار بيطلع لهم شعر فى ودانهم؟ مش كلهم بس اللى عندهم الصفة دى ، لأنها صفة متنحية ، لازم يكتسيبوها من الام و الاب و لأن الاطفال لسه مابيظهرش عندهم شعر فى اجسامهم غير مع البلوغ § لمّا البوليس بيهجم على شقة ويكسّر الباب، مين المسئول إنه يصلّح الباب ده؟ صاحب الشقة طبعا § لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس بيشيلوا الجبس لأنه خلاص مالوش اى فايده :wr: (تم إجراء آخر تعديل على هذه المشاركة: 12-17-2007, 09:43 PM بواسطة -ليلى-.) 12-17-2007, 08:45 PM {myadvertisements[zone_3]}

« السابق | التالي »

الردود في هذا الموضوع

هرتلة.. - بواسطة طنطاوي - 12-16-2007, 03:13 PM, هرتلة.. - بواسطة يجعله عامر - 12-16-2007, 04:02 PM, هرتلة.. - بواسطة عوليس - 12-16-2007, 07:38 PM, هرتلة.. - بواسطة -ليلى- - 12-16-2007, 08:20 PM, هرتلة.. - بواسطة طنطاوي - 12-16-2007, 09:42 PM, هرتلة.. - بواسطة -ليلى- - 12-16-2007, 09:54 PM, هرتلة.. - بواسطة -ليلى- - 12-17-2007, 06:58 AM, هرتلة.. - بواسطة حسام يوسف - 12-17-2007, 09:44 AM, هرتلة.. - بواسطة بنى آدم - 12-17-2007, 01:54 PM, هرتلة.. - بواسطة -ليلى- - 12-17-2007, 08:45 PM هرتلة.. - بواسطة طنطاوي - 12-18-2007, 12:16 AM, هرتلة.. - بواسطة -ليلى- - 12-18-2007, 01:48 AM, هرتلة.. - بواسطة عوليس - 01-14-2008, 01:44 PM, هرتلة.. - بواسطة بنى آدم - 01-16-2008, 07:18 PM,

المواضيع المحتمل أن تكون متشابهة…
الموضوع		الكاتب	الردود	المشاهدات	آخر رد
	هرتلة	ماجن	1	1,665	07-25-2008, 05:08 PM آخر رد: ماجن

يتصفح هذا الموضوع من الأعضاء الان: بالاضافة الى ( 3 ) زائر
{myadvertisements[zone_2]}

Translation by Arabic support - Ver: stable 1.0
Powered by MyBB, © 2002-2024 MyBB Group.