عارف ياإبراهيم
لسه من كام أسبوع كنت قاعد مع واحد بولندي شغال ميكانيكي موجود في أمريكا من سنة63 وجاء إليها وعمره 11 سنة وإبن دين الكلب حرفيا وبدون أدني مبالغة سكران24/7 حتي وهو نايم بيسكر ومتسألنيش إزاي!! المهم ماعلينا الكلام جر بعضه وأحد يحكيلي عن ذكرياته وهو طفل بإحدي قري بولندا ونقل لي صورة تكاد تكون مطابقة لصورة القرية المصرية- الناس بتمشي حافية ومعندهمش جزم, يروح يطلع البقر الصبح للغيط وبعد كده يطلع علي المدرسة لمدة ساعتين, مفيش ساعات وبيعتمدوا في تحديد الوقت علي عصاية يضعوها في الأرض ويستطيعوا تحديد الوقت من خلال ظلها وأفلام كهذه- وطبعا الصدمة التي شعر بها عند أول قدومه لأمريكا وفي وسط الكلام سألته إنت عمرك رجعت تاني لزيارة بلدك وقريتك بعدما كبرت فأجاب بالنفي
وبالصدفة قلتله ليه مترجعش تزورها تاني وتشوف وصلوا لإيه وياعالم ممكن تقابل ناس كنت بتلعب معاهم وأنت صغير وتتعرف عليهم وتقعد معاهم وفجأة لقيته سكت وسرح شوية وهو عمال يبحلق فيه وشوية ولقيته قام أتنفض وحضني وقعد يشكرني ويمدح في عبقريتي وتلك الفكرة الجهنمية التي ذكرتها له وراح ماسك التليفون ومتصل بأخوه ليخبره بها وأنه ينوي الرجوع لبولندا لزيارتها بعد غياب دام 44 سنة وإذا كان يرغب في المجئ معه!!!!وبالفعل بعدها بأسبوع سافر إلي هناك هو وأخوه

أمريكا عاملة زي النداهة اللي بتخطف العيال والسكينة بتسرق الناس لدرجة مرعبة تصل لدرجة أن فكرة زيارة الموطن الأصلي بتصبح بعد مدة إكتشاف عبقري!!!!