الحقيقة أنا قريت الموضوع أمبارح , وكنت ناوى اكتب تعليق - لكن حدث امر أعاقنى عن كتابته ...

فى يوم من الأيام , واحد عقله وزه وفتح موقع على ياهو جيو ستيس , وحط صور عريانة لمطلقته . فما كان من مطلقته الا ان أحتفظت بصور من الموقع وطلعت دين أمه فى المحاكمة , على أنها خسرت قضيتها ضد ياهو لأن مضمون الموقع مسئولية صاحبها مش موقع ياهو . الا انها كسبتها ضد اللى نشر صورها وغرمته فلوس .

طبعا ده بيحدث فى بلد فيها قانون , أما عندنا فميش قانون اصلا ! يبقى لازم تتتعلم تتصرف , وتتعامل .


1- كانت بعتت لأدراة الموقع تتطلب فيها حذف الموضوع , وألا هتقدم شكوى لشركة المستضيفة تتهم فيها بنشر أمور شخصية ومش فاكر ايه كده بتاعت سرية الافراد .... ودى جريمة وفقاً لقانون اليو اس ايه ! شخصياً أعرف سيرفر أتقفل , بسبب شكوى انه بيحرض على العنصرية الطائفية وقتل المسيحين فى الشرق الأوسط . تقريبا أرفقوا فيها حاجة عن حقوق الاقليات وأضطهادهم .

2 - تقدم طلب رفع خدمة التليفون لمدة معينة لدواعى السفر , هيكلفهم فلوس بس هيريح بالهم . يعنى شهر أثنين , هتكون الحكاية نامت على الاخر .

3- ولأن ممكن الحيوان يقوم بنشر الموضوع تانى , فالأفضل أنهم خلال رفع التليفون يقدموا معاه طلب اخر لتغيير الرقم لدواعى المعاكسات - لا اعرف اذا كان فى طلب بالأسم ده ولا لا .

أو تريح بالها , وتنزع السلك من التليفون , وتقتله

دمتم سالمين