هقول لك على حاجه كمان اغرب يا ابراهيم( هى بالنسبة ليا كانت غريبة فى البداية)
دلوقتى مش بس موضوع ابنى و بنتى و ماما و بابا بين الازواج اللى منتشرة ،لكن اللى كمان بستغرب له اكتر ، هو إن الاطفال بيندهوا اهاليهم بأسماءهم
زمان كنت بشوفها غريبة جداً
لكن مرة بنتى و هى بتهزر معايا قالت لى ،( يالا ياليلى تعالى بقى نعمل كذا) مثلاً
اولا تنحت، بعد كدا مافهمتش إيه اللى بيحصل
قلت لها و انا بضحك( انا مامى مش ليلى)
مش عارفه إذا كنت ضغطت على البنت و لا لاء، لكن جيبت الموضوع بشكل ضاحك
و ساعات و احنا بنهزر بسيبها تندهلي باسمى المجرد من غير اى القاب
لاقيت اولاد كتير بيعملوا كدا
مش عارفه إذا كان صح و لا لاء الولاد يندهوا اهاليهم بأسماءهم المجردة؟
لكن بشوف إن دا اللى بيخالى كمان الاولاد يتجرأوا على اهاليهم ساعات، و لا انا غلطانه؟
عارفه انه فى سن لازم نكون اصحاب لاولادنا
شخصياً بتكلم معاهم فى كل شىء بمعنى كلمة ( كل شىء)
بحرية و جدية و إنفتاح و لكن كمان اهم من كل اللى فات بصدق.

لكن بصراحة التربية شىء صعب جداً

معلش يا ابراهيم حودت بموضوعك شوية:)


:wr: