الموضوع كده خرج عن مساره الأساسي وهنتكلم في رأينا في بعض الدول .. مفيش مشكلة
Array
اعذرني سأختلف معك في رأيك في منطقة الخليج وإلقاء اللوم عليها. صدقني، من خلال النت تعرفت ببنات وشباب من الخليج تعلمت منهم ما لم أكن أعرفه وكثيراً ما أكرموني وساعدوني وأنا في أميركا بالكتب وأشياء رأيت فيها النبل الإنساني.. من قلب السعودية.. شاب ثاني إماراتي يعمل على خدمة الناس بحماس وشغل العبيد ودون مقابل وأي فائدة تعود عليه مثلا؟ [/quote]
أنا لم ألقي باللوم على دول الخليج فهم ضحايا قبل أن يكونوا جناة , ولكنهم شئنا أم أبينا مصدرون لأفكارهم بحكم وضعهم المادي , مثلاً في السعودية ملايين المصريين يعملون هناك وبمجرد ذهابهم هناك يتخيلون أنهم ذاهبون إلى ملاقاة الصحابة وتلاقيهم أكثر الناس ولعًا بتكرار الحج والعمرة عشرات المرات , وكثير منهم هناك يبدأ في التمسك ببعض المظاهر الشكلية التي لم يكن يطبقها من قبل مثل إطلاق لحيته وجعل زوجته تلبس النقاب ويستحسن هذا النقاب فيما بعد وتكمل به زوجته في مصر , وغير ذلك من مظاهر الفكر الوهابي السلفي بما يشمله من مفهوم الولاء والبراء والحكم على الآخر بأنه ( كافر ) وما أكثر وجود هذه الكلمة هناك , والدعاء للحاكم وعدم الخروج عليه ما لم يأت بكفر صريح .....
أنا مصري وبقول لك تابع الفن والأدب المصري من 30 أو 40 سنة قبل سيطرة العهد السعودي البترودولاري وهتلاقي إن مصر اختلفت كتير وتأثرت بالأقوى ماديًا هنا اللي هي السعودية .. حتى قراءة الإسلام الأزهرية المعتدلة نسبيًا انسحقت الآن تحت وطأة الفكر السلفي القادم من السعودية وربنا يخلي الشيخ محمد حسان ومحمود المصري وأبو إسحق الحويني ومحمد حسين يعقوب ( تقريبًا اسمه كده لو مش ناسي اللي بيعمل حركات ظريفة وهو بيتكلم في قناة الناس ) والأسماء المصرية السابقة دي دليل على إن مصر هضمت الفكر السلفي وكمان أصبحت مصدرة له , وطبعًا تدني وانحطاط رجال الأزهر وسيرهم في ركب الحكومة أفقدهم المصداقية عند الناس ..
مش معنى كلامي أبدًا إن الناس في الخليج كلهم وحوش , بس أنا عشت هناك ( والعيشة هناك تكرهك في الحياة بصفة عامة لو كنت تمتلك عقل نقدي أو رافض لطبيعة حياتهم ) , فيه ناس كويسين في كل مكان ومتفتحين و وأنا قابلت سعوديين وخليجيين كذلك ولكن قلة , وإنت بتتكلم عن ناس قابلتهم في أمريكا وطبعًا فيه فرق بين السعودي الغني اللي بيروح أمريكا وفرنسا وماليزيا وغيره من القابعين بمكانهم , وبعدين من جانب الأخلاق والمساعدة هتلاقي كتير ولكن لو تخيلت إنك قلت لواحد فيهم إنك غير مؤمن بالإسلام يا ترى هتكون معاملته معاك إزاي مهما كان متفتح , أنا بتكلم عن العموم مش عن واحد أو اتنين , والموضوع دا عندهم مفيش فيه هزار , يعني لو جوا السعودية يبقى الله يرحمك وياخد باله من عيالك ..
Array
الإمارات لعلمك قطعة من أوروبا.. جامعة دبي معترف بها على فكرة في أفخم جامعات أميركا في حين لا توجد جامعة مصرية معترف بشهاداتها في أميركا. [/quote]
بفلوسهم يا زميلي .. الإمارات قطعة من أوروبا بفلوسهم , وخلي بالك من حاجة دول مش بيصنعوا حضارة دول بيستوردوها زي ما هي وكمان بيستوردوا اللي بيديرها ويشغلها , يعني مديرو المولات وأماكن التسوق بيكونوا أجانب , وأتذكر مرة لما دخلت متجر إيكيا السويدي الجميل بالسعودية إن حسيت كأني في السويد لأن المتجر سويدي وكذلك إدارته والفضل للسعودية فقط في جانب المال ..
أنا مش عايزك تتخيل إني بظلم حد أو متعصب ضد الخليجيين , أنا بحاول أكون موضوعي وبنقد بلدي بنفس الدرجة وأكتر لأن دي بداية التغيير , ودي مشكلة الخليجيين عمومًا والسعوديين بصفة خاصة إنهم معتقدين إنهم زي الفل وإن النبي ( سعودي ) وإن عندهم بيت ربنا وإن العرب افضل الناس وإنهم محور البشرية , وحكاية جامعة دبي انا مش فارقة معايا كمصري وقلت في مداخلتي السابقة إن مصر منهارة , وأقصد إنهيار اقتصادي وفكري و ولكن عمومًا افضل حالاً من الخليج من ناحية التفكير ..
Array
البحرين منفتحة أكتر من القاهرة.. ياريت مصر في انفتاحها تصل إلى واحد على عشرة من انفتاح البحرين.. الشباب السعودية يذهب للبحرين لمقابلة بنات والحكومة لا تصادر هذا. في مصر هناك بلطجة على مثل هذه الأمور حتى ينفرد الضابط بالموضوع على بعضه. [/quote]
حبيبي البحرين دي حكاية , أول ما زرتها وقضيت فيها فترة من عمري كنت فاكر كده , المهم هقولك باختصار : حكاية الانفتاح دي في العاصمة الصغيرة جدًا المنامة وبعض الأماكن السياحية هناك اللي بتشمل الفنادق اللي شغالة دعارة على ودنه ـ زي شارع الهرم في مصر ـ وشفت الكلام دا بعيني ودخلت جوا الأماكن دي , وطبعًا معظم مرتادي هذه الأماكن من السعوديين من مختلف الأعمار خصوصًا فوق سن الخمسين والستين وبيكون معاهم بنات تعقد بصراحة , والجسر اللي بين البحرين والسعودية يوم الخميس والجمعة بيكون واقف من كثرة عدد السيارات عليه ( تقريبًا 35 ألف حالة زنا اسبوعيًا في الفنادق على مسئولية أحد الشيوخ السلفيين بالبحرين ) ..
دا الانفتاح لكن الشعب نفسه حكاية تانية , 80 % تقريبًا شيعة والباقي سنة و ونظام الحكم سنة وكل الشيعة تقريبًا ضد الحكم وبيكرهوا السعودية وولاؤهم لإيران , والشرطة والجيش هناك من السنة فقط والأجانب مثل الباكستانيين والاردنيين وغيرهم , المهم في الموضوع إن الشيعة هناك مش منفتحين زي ماإنت متخيل بالعكس , دول ضد الانفتاح اللي الحكومة عاملاه كمصدر جذب للأموال لأن موارد البحرين قليلة وهي أفقر دول الخليج بعد عمان , ومعظم البحرنيين من الشيعة المضغوط عليهم من قبل الحكومة مش من مرتادي المولات وأماكن الانفتاح والترفيه , يعني الموضوع مش زي ما إنت متخيل ..
انا حاسس إنك بتحكم على الأمور من جانب نظري وشكلك بتقرا كتير , لكن انا عشت أمور كثيرة واقعية , وإنت بتقولي إنفتاح , يا سيدي البحرين تعاني من نار فتنة لا يمكن وصفها لمجرد إنك سني او شيعي رغم صغر حجمها كدولة و وأنا لما عشت هناك شكرت الظروف على مناخ مصر الثقافي الذي رغم انهياره عن السابق إلا أنه يخلو من العنصرية والتصنيف بالدرجة الموجودة بدول الخليج , يعني في السعودية حوالي 2 مليون شيعي الحكومة دايسة عليهم بالجزمة وبتدرسهم غصب عنهم مناهج الفكر الوهابي اللي بيكرهوه عمى , ومفيش صوت بيطلع للشيعة بالسعودية نتيجة قوة وسيطرة الحكم هناك , ولو رحت بلد فيه شيعة زي العراق والبحرين والكويت هتحمد الظروف إن في بلاد زي مصر ممكن تعبر فيها شوية عن نفسك ولو بدرجة محدودة ..