Beautiful Mind؛
انا ماتهتش منك نهائى، لكن يمكن ماعرفتش اوصل لك رأيى بشكل واضح و انت مش متعود على طريقة كلامى دى:D
طيب خالينى احاول تانى
مبدائيا الكاريكاتير اللى حطيته لك بيتكلم عن حال العراق دلوقتى
العراق بقيت [spacing]العرا ق[/spacing]
ايوة بقى عندهم ديموقراطية ،لكن لأنها جات بقوة "الاحتلال" و خالى بالك من كلمة "احتلال"، و مش بقوة المساعدة الخارجية الشريفة النزيهة ، فوصلت العراق الشقيق للحال اللى هو عليه دلوقتى.
تشرزم و اقتتال داخلى و طائفية و و و و و


Arrayإزاي تكون الرحمة معناها أو تقول : إني أغير وطني بإيدي ؟!! [/quote]

هاقول لك ليه و هو نفس السبب اللى قلته من شوية، لما وصلت "الرحمة "من اكبر قوة فى العالم ، اخدت فى طريقها الاخضر و اليابس.
لأننا فى زمن المصالح الشخصية.
لأن مفيش اى دولة هاتديك خبراتها و تتنازل و تتعطف و تتكرم و تبعت لك اولادها يموتوا عندك ، علشان سواد عيونك و علشان توقفك انت على رجليك
كل دى ماهى الا خدع قامت بها امريكا و السبب معروف للكل .

الرحمة دخلها فى الموضوع بسيط جداً من وجهة نظرى، هو انى اتعلم من الى شفته بيحصل لغيرى
ارحم اهل بلدى من الدمار اللى ممكن تعملة اى قوة تتدعى انها عايزة تساعدنى على التحرير و تدخل عندى بالسلاح و العتاد.
انا اتعلم الديوقراطية و لو لزم الامر و ماقدرتش اغير بلدى بالهدوء و بالعلم و فضل حكامنا على عنداهم و استبدادهم و قهرهم لنا ، فهنا اغير حالى بالقوة ، بالثورة الداخلية.
لكن قبلها تيجى مراحل كتير جداً و هى اللى انت قلتها بنفسك فى الجزء التالى:

Arrayعارفه بقا ..
لو الناس اللي هنا بتحب بلدها و قلبها عليها, تشتري خبراء بالفلوس.
ييجي كده الملوك و الرؤساء يستنجدوا بالمفكرين الغربيين و يقولوا لهم " لوسمحت تعالوا ساعدونا و خدوا حسنتكم"
يقولوا لهم : تعالوا علمونا الديموقراطية تبقا إزاي و كله بحسابه.
بدل ما أمريكا تحرك بوارجها و حاملات طائراتها و تحارب و تحتل دولة و بعدين تسيطر على موارد النفط مقابل مصاريف الحرب و تعليم البلد الديموقراطية.
ماتخليها تيجي مننا أحسن.[/quote]

عجبنى جدا الجزء دا من كلامك و هو كمان اللى انا اقصد به الرحمة و العدل و التعقل
انت لخصت كل اللى عايزة اقوله فى الجملتين دول
و هو دا اللى انا اقصد به انى اغير بلدى بنفسى و بايدى.
اتعلم الديموقراطية و بعدين اطبقها صح .
و دا هو بيت القصيد
تعالوا ساعدونا ، لأننا محتاجين المساعدة
لكن ماتجوش تحتلونا باسم تعليمنا الديموقراطية.


اتمنى اكون وضحت لك وجهة ظرى بشكل افضل المرة دى.


تحياتى