ما ان تغادر البيت وتصل الى مجمع الباصات او المكان الذي تقصده خاصة اذا كان مكان تجمع للكثير من الناس.. حتى تظهر لك فجأة اعداد كبيرة جدا من الاطفال الذين يريدون منك ان تبتاع علكة خاصة ( علكة سهام وعلكة شعراوي)

ويا ( علقة العلقة) الشاطر الذكي هو الذي يستطيع ان يتخلص منهم بلباقة وبسرعة ولكن هيهات....!!!

المهم
البداية .. طفل يحمل كل الهموم في الدنيا ويلبس ملابس ليست بملابس بلا حذاء وشعر منكوش ولسان ( وانت هنا واقصد المشتري من يحدد نوع لسان الطفل كيف سيكون) اما
متل العسل ( ان انت اشتريت منه ولو حبة علكة واحدة)
او لسان مثل ........ ويا ويلي اذا لم تشتر منه شيئا
الموشح المعتاد رغم ان زمن الموشحات والعصر الاندلسي انقضى ورغم ان السيدة فيروز ما عادت اصلا تغني ايا منها
" الله يخليك الله يخليك اشتري مني علكة الله يخليكي
- ما بدي شكرا
- الله يخليك عيونك الحلوين تشتري مني ( بعد كم خطوة للامام)
- قلت لك ما بدي
- طب الله يسعدك وينجحك بالامتحانات ( خاصة لمن يحمل او تحمل بين يديه/ يديها كتب)
- شكرا , مش جاي عبالي
تتركه وتغادر ( ظنا منك انه رحل وراح يبحث عن امل مفقود منشود آخر)

فجأة
بسم الله ( منين طلع هاد)
- الله يخليك اشتري مني مش ضايل غير تلت حبات علكة بحسبلك العلكة بشلن
- يا اخي خلص ما بدي ما بدي
-
طب ليش ما بدك غيري طعم تمك عالصبح
- لا حول الله يا رب ( انا بكره العلكة انا ما بحب اكل علكة خاصة على نكهة نعنع وخاصة منك انت )

- اركب الباص
انتظر مع من ينتظرون الى حين ان يمتلئ بالعدد المطلوب ( يفلل يعني )
تصدف احيانا ان تجلس الفتاة الى جانب شاب او العكس
- فجأة
- الله يخليك خطيبتك اشتري الك والها علكة
( كدت انفجر غضبا حينها)
يا ربي حل عني يا اخي ما بدي , مشان الله ما بدي مليان الباص شوف حد تاني وبيعه اكيد رح يشترو منك
- طيب بروح بس اشتري مني قبل لا اروح

- يا صبر ايوب
قالت لي فتاة ( خلص اشتري منه وريحي حالك )-
- قلت لها ( شو رأيك تشتريهم انت ما دامك شفقانة عليه)
- قالت لي ( ما بدي اشتري علكة)

قلت في نفسي ( يا رب انا بواحد مش خالصة لسه بده يجي حدا يتفلسف ويزيدها علي)

اشتريت منه علكة وراح

لم البث ان اضع النقود في الحقيبة حتى جاءني طفل آخر
- فستقية سمسمية اشتري الله يخليك

( اااااااااااااااه شو اعمل يا رب )

وين الحرية .. طول ما في علكة وسمسمية يا عالم


ليلاء ( بذرة لا زالت تنمو)(f)