Array
رغم إشتراك الجنس البشري في حيز جغرافي واحد وهو كوكب الأرض المنتمي للمجموعة الشمسية إلا أنه في حقيقة الأمر لايوجد" عالم" واحد ولكن عدة "عوالم" مايفرقها أكثر مما يجمعها.

علي سبيل المثال وفي حين أن مايشغل العالم العربي اليوم قضايا مثل فتاوي رضاع الكبير والتداوي ببول الإبل والقول البتة في حكم الكرافتة وحكم الخروج علي ولي الأمر ووجوب طاعته وقادة الرأي العام فيه هم أمثال بن باز وبن عثيمين والقرضاوي والغزالي وزكريا بطرس وأبو إسلام والداعية سندباد وأونلي واي تجد أن القضايا التي تشغل بال العالم الغربي مختلفة تماما مثل البحث عن مصادر بديلة للطاقة والstem cell research والنانوتكنولوجي والإحتباس الحراري والمحافظة علي البيئة وأبحاث الفضاءوالإقتراب من خط النهاية فيما يتعلق بحقوق الإنسان ونظم الحكم والسياسة إلخ مما يجعل الحديث عن عالم واحد له مستقبل واحد نوع من التعميم والقفز فوق الحقائق.
[/quote]

كذب وهجص

نزلت اجازه في مصر متكلمتش انا وصحابي الا عن حال البلد التعبان والتعليم والتوريث والاقتصاد وتخلف الخطاب الديني وكلنا مسلمين متدينيين...محدش قال رضاع الكبير ولا رضاع الحشاشين وتجار الممرضات.........كل الخره ده مش بيهم غير اعلام ابله مسعور بيدور على فضيحه عشان يسلي الناس ومفيش اوسخ منه الا الاشكال اللي بتشبط فيه لاسباب معينه خاصة بيهم...
لكن على الارض الناس كلها قلقانه من الاسعار وتعليم اولادها والخوف من التطرف ونشر الاخلاق والانهيار الحاصل في كل المجالات دي ... عادي ناس من لحم ودم مهماش بهايم زي ما البعض يحب يصور

وياما قعدت مع امريكان مش بيتكلموا غير عن البابا الراحل رضي يسوع علية (او على جيري فالويل على حسب النسخه الامريكاني) والاجهاض وكيف ان اعصار كارولينا هو عقاب من الله على السماح بزواج الشواذ

بالمناسبة الstem cells بتاعتك اللي انت فرحان بيها اتوقف البحث(ايوا اتوقف قانونا...بقى ممنوع) فيها واتحرم العالم كله من فوائدها بسبب اوامر جت لبوش على خط التلفون الالهي المباشر ان البحث في هذه المنطقه بينزفز ابنه الدلوعه يسوع

موضوع الاقتراب من خط النهايه ده فيلم هندي لوحده...لسه في ناس عايشه في الوهم ده ربنا يشفي....لسه انتهاء التاريخ برضه مطروح ...ايه الناس مش بتتعلم ابدا .. مفيش فايده .. مش حنقرا كتاب بدل من الاوهام اللي بتتجلى للواحد على سريره مع تعميرة حشيش معتبره بعد سهره حمره مع ممرضه عباره عن مستودع امراض متحرك

بلاد بقالها مئات السنين في حكم ديمقراطي وتعليم وفلوس ورغد عيش ومع ذلك لسه بيصنفوا الناس على حسب لون جلدها ويطلعلك واحد يقلك خط النهايه...ربنا يشفي

في ناس فعلا بتحب تعيش في عالم من صوره واحده واسقاط كل افكارهم في اتجاه واحد يمكن عشان ده بيحسسهم بقيمه(مزيفه) لانهم خالفوا المجتمع في احدى خصالة وبالتالي لازم تبقى كل بلاوي المجتمع جايه من الناحيه دي والناس كلها ولاد كلب واحنا العباقره اللي مفيش زينا

على العموم عشان ما ادمرش موضوع استاذ عزيز علي زي استاذ بهجت حقفل على كده ومساهمتي الوحيده هي اني اتوقع ان ثورة الاتصالات تحدث تغيير عنيف في العالم عامة وبلادنا خاصة....كل نواقص المجتمع من تعليم واخبار وتوعية ممكن توصيلها من خلال موقع او قناة والناس شويه شويه حتبتدي تفهم وتعرف وعينيها تتفتح وتدور على مصلحتها عاجلا او اجلا

غير كده مقدرش اقول.....اصلا عالمنا يتميز بخاصية الفوضويه chaotic ( يعني رياضيا بيتمثل بمعادلات شديدة اللاخطيه ومش قصدي اعقد اللفظ بس هو كده) وبالتالي ممكن اي تغيير بسيط جدا يغير الاحداث بشكل عنيف ... لابلاس العظيم زمان قال انه يقدر يتنبا بكل المستقبل لو قدر يعرف الحاضر بشكل صحيح...طبعا طلع غلطان لان العالم عنده خاصية الفوضويه اللي انا بقول عليها دي
كمثال اقول: حادث الشخص اللي بيستظرف وزق عمرو زكي في حمام سباحه...كان ممكن عمرو يتعور ==> ميجبش اجوان ==> كوت ديفوار تسحق مصر ==> حسن شحاته يطير والناس تبقى مكتابه و و و ... كان ممكن هيتلر تقع على راسه طوبه او يقع في بلاعة مفتوحه فيموت وينهار الرايخ بدري بدري وميظهرش الاتحاد السوفيتي كقوى عظمى لانه حيفضل محصور في روسيا بس وامريكا تفضل ملتزمه ببلادها بس وبعيده عن بقية العالم و و و .... وهكذا