ايه رأيك لو يعملوا شركات قابضة متنافسة لزراعة القمح و توريده و ينزلوا أسهمها في البورصة لزوم التمويل ؟

يعني يفتحوا سكة للقطاع الخاص و يعملوا التسهيلات اللازمة و يتركوا السوق لحاله ..

هوه صحيح في سلع أكثر جدوى من الناحية الإقتصادية لكن بعد رفع الدعم عن القمح سيرتفع سعر القمح و سيجتذب فلاحين أكثر لزراعته ..
و الباقي يتم إستيراده.

لكن بالطريقة ديه و بخلاف الزحمة على طوابير العيش و الخناق كل يوم .. كل يوم.
مخصصات الدعم قاطمة الميزانية و متسببة في عجز كبير فيها ..

و الحكومة الجبانة خايفة ترفع الدعم لا الناس تعمل مظاهرات تاني زي مظاهرة الجعانين أيام السادات.

الأفضل ان يتكيف الناس على أسعار السوق بدلا من أن يتكيفوا على أسعار الدعم.
لأن السوق باقي لكن الدعم بحسب الميزانية.

عموما إرتفاع سعر رغيف العيش هيكون لصالح سلع تانية زي الأرز مثلا ..
طبعا وقتها حتى السلع البديلة ثمنها هيرتفع لكن السوق كده.

برضه ميزانية الدولة لما تخف هتروح لخدمات تانية ..

كمان الدول المتقدمة قللت مساحة القمح المزروعة لكي تستغل الأرض لصالح الوقود الحيوي ..

طبيعي إن سعر القمح يرتفع و طبيعي إن عجز الميزانية يزيد ما لم تحلها الحكومة بمعرفتها.