ممممممم ..
الناس بتدرّج بين هالنوعين يا أميل .. (النظريّة ليونغ بالأصل) ..
ناس إنبساطيين .. وهدول يلي بكونو كتير رفقة ناجحين .. وممتعين للناس يلي حولن .. وآخدين الحياة ببساطة أكتر .. واضحين وشفّافين جداً للآخر .. بيهجمو عالموضوع بثقة كبيرة بالنفس .. بالمختصر بمثلو الوجه الإيجابي الفاعل ..

وناس انطوائيين .. هدول يلي بعيشو لذاتن .. سواءً كان عالمن الداخلي ناضج أو لأ .. فهنن بعيشوه بأدق تفاصيلو .. وبكونوا أصدقاء ممليّن .. مايلين للصمت .. وما بتطلع منن الكلمة إلا بعد حسابات كتيرة .. مترددين و طبعن بعيد عن الإندفاع لقلّة الثقة بقرارات النفس .. يعني هنن السلبيين المنفعلين ..

هلأ كلّا ياتنا متدرّجين بين هالطبعين .. كل مين فينا أقرب لواحد منن عن التاني .. ومننا متلبّس أحد الطبعين تماماً .. وكل طبع وإلو ميّزاتو وسيّئاتو .. الطبع الأوّل هو للمبشّرين .. والتاني للمفكّرين والمفلسفين ..

مممم .. التغيير بالشخصيّة وارد جداً .. لكن مفاتتيح هالتغيير ما بيمتلكوا إلا شخصين .. إنت .. و مختص نفسي .. بالنهاية اقتراب الإنسان من طبع من هالطبعين مانو مرض .. لكن كتير من الأحيان بيفقد الإنسان انسجامو مع حالتو ووضعو الاجتماعي وكأنو بحب يرجع شوي لورا ويبلّش تجربة جديدة من الصفر .. إلها أولويّاتا الجديدة ..

هلأ الظروف بتساعد أو بتوقّف بوش هيك بداية جديدة .. ممكن مثلاً انتقالك من بلد إلى آخر ولجو جديد يساعد .. وممكن يفاقم الحالة .. بالنهاية الإرادة العميقة بالتغيير لازم تكون موجودة .. وممكن يبلّش الإنسان بعلاجات سلوكيّة متل يلي حكى عنها محارب النور ..

لذلك .. فجواب سؤالك .. إي .. يستطيع تغيير طبائع كتير منّو ..
أما كيف .. !!
فهي يلي مالا "راشيتة" معيّنة .. كل إنسان هوّ تجربة متفرّدة بهالحياة ..
حاول تعمل تغييرات صغيرة بيومك وتركّز طاقاتك المشتّتة بالآخرين .. وتركّز انسجامك على أمور بتشوف فيها فايدة أكتر وركّزلا وقت معيّن وكافئ حالك بحال نجاحك بالالترام .. بجوز تحس بالإحراج ببادئ الأمر أمام المحيط نتيجة تغيّرك .. بس لا بأس من بعض "الجفاصة" .. مع بعض "اللين" ..

عندي أصدقاء .. كان "الحب" بحياتن هو دوا هالتشتت ..

هي أقصر الشي عندي إيميل
يعني إنو أقصر من هيك ما بقي :D

بعدين أنا ما بحب آخد دور الناصح النفسي لأنو اهتمامي بهالمجال اهتمام فكري بحت .. يسعى لتفسير الأمور وفهما أكتر منّو تغييرا .. ولفهم موقع الفرد من هالحياة ومن الجماعة أكتر منّو تغيير موقعو .. وموقع الإنسان من الأساطير أكتر منّو تغيير هالموقف .. لكن طبعاً .. هالمجال قدّملي من الناحية النفسيّة الكتييييييير .. وبحاول ساعد غيري إذا كنت شايف شي هوّ مو شايفو ..
يلا ..
صيت غنى ولا صيت فقر:)

وردة كبيرة للمميّز اميل :redrose:
وصغيرة للجميع (f)

:25:

خوليو