Array
من البداية قلنا ان المرتبات سوف ترتفع و لن تترك الحكومة المواطن هكذا, بالمناسبة الرفع التدريجي بدأ علي الاقل من اربع سنوات لماذا تتجاهل ارتفاع اسعار كل شئ تقريبا, لماذا تتجاهل اشارات الحكومة بزايدة المرتبات بمعدل اعلي من المعتاد, الموضوع مطروح علي صفحات الجرائد الحكومية و المعارضة و مجلس الشعب و الحكومة علي بعد خطوات من تطبيقه
[/quote]

اتجاهل اشارات الحكومه بزياده المرتبات لانه فرقعه فى الهوا.
على ارض الواقع لا يوجد شىء.

بقولك زوجتى موظفه حكومه من 8 سنين وراتبها 300 جنيه, منذ شهرين كانت زجاجه زيت الطعام ب 5.75 جنيه , والان اصبحت ب 11 جنيه, كو زاد راتب زوجتى بالمقابل فى تلك الفتره؟؟؟ ..... ولا مليم.
كام زاد راتبى انا فى تلك الفتره؟؟ ولا تعريفه.

هل تريدنى ان اتخيل ان راتبى او راتب زوجتى سيتضاعف فجاه ومره واحده كما تضاعفت الاسعار فجاه ومره واحده؟؟

عارف ايه الحاجه اللى سعرها ما زال كما هو ؟؟
اللحوم
وعارف ده سببه ايه؟؟
ان اسعار الاعلاف اصبحت فى السما , وقيراط البرسيم (لامؤاخذه ) اصبح ثمنه 100 جنيه (وش واحد ) والتبن (لامؤاخذه برضو) , اصبحت شيكاره التبن الكبيره ب200 جنيه وغير موجوده , لان التبن هو ناتج عمليه درس القمح.
معلش اصلى انا فى الاساس فلاح وعارف الحجات دى كويس.
المهم ... لان اسعار اعلاف الحيوانات زادت واصبح الفلاح غير قادر على تغذيتها فان اسعار الحيوانات نفسها اصبحت فى الارض .
والبائع دائما يبيع للجزار , والجزار بيدبح , وفى النهايه ستتاكل الثروه الحيوانيه , وبعد سنه واحده على الاكثر سيصبح سعر كيلو اللحم مش اقل من 100 جنيه.

Array

اولا العاطلين مشكلة اخري سوف تشتت النقاش
فكرة العرض و الطلب في الوظائف ايضا صحيحة لكن يدخل عامل التخصص و المؤهلات و الكفاءة و طبعا بالاضافة إلي الواسطة التي لا يستطيع احد ان ينكرها في مصر
مع وجود العاطليين فالمرتبات تتزايد في القطاع الخاص بشكل ملحوظ و الاجور التي نسمعها حاليا في الكثير من الشركات لم تكن مطروحة من 5 سنوات
بالمناسبة, لماذا تعطيك شركتك 3 الاف جنية إذا كانت تستطيع ان تدفع الف او حتي 500 جنية, اجابتك هي نفسها اجابتي عن لماذا سوف تستمر المرتبات في الارتفاع و فرصة الشباب في تحسن مستمر للحصول علي هذه الوظائف
[/quote]

والله يا اخى الشركه لو عليها عاوزه تخفض راتبى الى 500 جنيه, او تسرحنى وتفكنى ب 4 موظفين غيرى مجموع ما يحصلون عليه هو راتبى.
انا راتبى بيزيد رغما عنهم , انا التحقت بالشركه دى عام 91 , وكان عمرى 21 سنه ,وتقاضيت اول راتب 122 جنيه, وهذا المبلغ لا يمكن ان انساه .
العلاوات الدوريه اللتى تقاضيتها على مدار 17 سنه هى ما جعلت راتبى هكذا.
يعنى مثلا قبل العلاوه الاخيره كان راتبى 2700 جنيه وحصلت على علاوه 10% يعنى 270 جنيه , يبقى المجموع 2970 جنيه.

انت ليه مش قادر تبص للناس التانيه , انت بالظبط كانك تريد ان تقول لى مصر غنيه وكل شعبها مليونيرات بل مليارديرات , وتضرب مثالا باحمد بهجت واحمد عز ونجيب وانسى ساويرس ورامى لكح ومحمد ابو العنيين ومحمد فريد خميس و....

يااستاذى انا بكلمك ع الناس اللى بتقبض من 150 جنيه حتى 1000 جنيه, دول يعملوا ايه؟؟
القطاع الخاص رواتبه ضعيفه , ويستغل عدم وجود فرص عمل والبطاله المتفشيه للضغط على المتقدمين للعمل ليعطيهم اقل اجر , ولو مش عاجبك فيه غيرك الف هيقبلوا.

Array

هذا الكلام و بمنتهي الصراحة نوع من التبرير للفساد,
نحن دائما نبرر و نختلق الاسباب لفسادنا لاننا نرفض ابدا ان نعترف بعيوبنا, بداية من الموظف البسيط نهاية بالوزير و الرئيس الجميع يختلق المبررات و إذا سلمنا بهذه الدائرة فلن ننتهي
إذا الموظف فاسد علشان محتاج ايه الي يخلي صاحب المخبز الي بيكسب كتير فاسد, لو كان المهندس فاسد علشان مش لاقي أيه الي بيخلي صاحب العمارة الغني فاسد, الطمع هو الاجابة في جميع الحالات, الفساد فساد, لو الدخل 1000 ليه مش يخليه 2000, لو دخله مليون ليه مش يخليه مليونين, اما المبررات فديه مش مشكلة,
[/quote]

ماشى ياعم .... انا بخرف

تقدر انت تقوللى الموظف المطحون ده ممكن يعمل ايه امام اعباء حياته اليوميه بمبلغ 500 او 600 جنيه؟؟
انت عارف ان المدارس الحكوميه مبقاش فيها تعليم وخصوصا المرحله الثانويه؟
الطالب يروح المدرسه يقولون له : انت جاى ليه؟؟ امشى يا ابنى روح.
فيعتمد الطالب رغما عن انف اللى خلفوه على الدروس الخصوصيه.
لو ان هذا الموظف لديه طالب فى الثانويه العامه ويحتاج الى دروس خصوصيه, تفتكر محتاج كام دروس فى الشهر.
بلاش الاكل والشرب , هنفترض انهم هيصوموا عن الاكل ابد الدهر, عاوز كام بس دروس؟؟

عندما تكون هناك عداله اجتماعيه ويحصل الموظف على ما يعينه على حياه كريمه سيقل عدد الفاسدين , وقتها تستطيع ان تحاسب اى فاسد او مرتشى وعلق له المشنقه , اما الان , فماذا ستقول له لو انك قاضى وتحاكمه.
يستحضرنى هنا المشهد الاخير من فيلم الموظوفون فى الارض لفريد شوقى
مشهد المحاكمه , هل تذكره؟؟
المستشار جابر ريحان رئيس جهاز المدعى العام الاشتراكى السابق قالها وبالحرف الواحد : كيف استطيع ان احاسب موظف مرتشى وراتبه 300 او400 او 500 جنيه, فى حين ان هناك من يتقاضى 3 ملايين جنيه كدخل شهرى؟؟
كان هذا فى حوار تلفزيونى معه.