Array

فيه ناس بتعمل في قطاعات انتاجيتها عالية و بالتالي هتتحسن اكتر و ناس في قطاعات اقل انتاجية هتنزل تحت و ده الطبيعي و المنطقي,
[/quote]


صدقنى الكلام ده مش موجود فى مصر ....

الدخل العائد من الانتاجيه العاليه يدخل فى جيوب اصحاب المصانع , والعامل اذا تكلم او فتح فمه يقال له : انت مش بتاخد مرتب مقابل عملك ؟؟ عاوز ايه تانى؟
وده اللى اتقالى بالحرف الواحد , وانا اعمل فى قطاع الدواء , صاحب اعلى انتاجيه واعلى عائد.
اما لو الانتاجيه اقل فهى تعود على العامل البسيط بالسلب , حيث يقال له الشركه خسرانه هنجيب لكم منين؟؟


Array

لكن اشباه العاطليين هما الي هيفضلوا يشتكوا و يندبوا, العاطل اصلا هي كده كده بايظه معاه
[/quote]

مين هما اشباه العاطلين دول؟؟

هو موظف الحكومه اللى بيخلص مصالح الناس شبه عاطل؟؟
موظف الشهر العقارى شبه عاطل؟
طبيب المستشفى الاميرى شبه عاطل؟
موظف التموين شبه عاطل؟
مهندس الحى المسئول عن اصدار التراخيص شبه عاطل.
انا متفق معك فى ان البطاله المقننه المتلقحه على المكاتب فى المصالح الحكوميه ان وجدت فيجب نسفها, ويروحوا يشوفوا شغلانه تانيه ,
لكن انا اتلكلم عن الموظف اللى بينتج ولا غنى عنه.
ده يعيش ازاى؟
بيشتغل ومفيش مقابل ... يعمل ايه؟؟

Array

انا متفق ان اي تغيير و ليه ضحايا
هو ده الكلام
تحرير السوق شئ ايجابي و سلبياته ناتجة عن فساد الحكومة و فساد الحكومة مش هيغيره غير الشعب
عايز اشوف الناس بتتحرك و بتضغط علي الحكومة علشان تاخد حقوقها
يا فرعون ايه فرعنك قال ملقتشي حد يردني
[/quote]

مهو ده اللى احنا عمالين نهاتى فيه من يومين.


Array

انت قلت في ردك علي الزميل محمد طنطاوي
"
والله ياسيدى الفاضل بيحصلوا على الزكاه ووشهم فى الارض ومكسوفين لانهم عارفين انهم زى الشحاتين لكن يعملوا ايه ؟؟؟ نصيبهم كده ... اتخلقوا كده
واحد يخرج للدنيا يلاقى ابوه ملياردير , وهو مكنش له يد فى كده.
والتانى يخرج برضو لنفس الدنيا يلاقى ابوه شحات , وهو كمان مالوش يد فى كده.
واحد يخرج للدنيا يلاقى نفسه مصرى شحات
والتانى يخرج برضو لنفس الدنيا يلاقى نفسه اماراتى او كويتى مريش "

الي بتقوله ده هوا الي لازم ينتهي, خلي الناس تفوق بقي مفيش حاجة اسمها نصيبه كده
لو كان نصيبه كده يبقي برده نصيبه يجوع و نصيبه الحكومة تسرقه و نصيبه يتركب و نصيبه عياله تشحت و محدش هياخد اكتر من نصيبه
هو ده بالضبط الي لازم يتغير
مؤمن بالنصيب يا خويا يبقي مش تشتكي الحكومة روح اشتكي للخلي نصيبك كده و خليك من الصابرين علشان جزاء الصابريين الجنة

في ناس هتاخد موقف مختلف, في ناس هتقول لا نصيبنا هنكتبه بايدينا
بدل ما هيقول الجوع كافر هيقول الحاجة ام الاختراع و هيدور و يجتهد علشان يحسن اوضاعه
في ناس هتتحرك و تثور و تطالب بحقوقها المسروقة و مش هتقف تتفرج
و هو ده اجمل شئ ان المجتهد ياخد مقابل اجتهاده و المستكين المستسلم الي مستني نصيبه ياخد الي يستحقه
[/quote]

يعنى هيتحركوا ويثوروا وياخدوا حقهم من الدوله , ولا هيجتهد ويشوف شغلانه علشان يحسن اوضاعه؟؟

مش عاوزين كلام مرسل
عندك ليهم حلول مبتكره.
انا شخصيا عاوز ازود دخلى واعمل مشروع ومش عارف .
تقدر توجهنى لمشروع يدر عليا ربح كويس؟؟

وبعدين احنا بنتكلم عن ملايين من الناس, مش واحد ولا اتنين ولا حتى الف.

يعنى لو عشره نجحوا من المحتمل ان 990 يفشلوا.
الفلوس بتجيب فلوس يا مورجن , لكن الفقير قح هيفضل فقير.