Arrayنفسى افهم لو ان الدوله الغت الدعم , ففى اى موضع ستذهب مواردها؟؟[/quote]

لإصلاح التعليم مثلا.

الحياة أولويات,
لو معاك ألف جنيه وأمامك إختيارين; إطعام 100 فقير وجبة واحدة أو صرفهم علي طالب مجتهد بمدرسة أيهما تختار?
أنا سأختار صرفهم علي طالب المدرسة وال100 فقير يتولاهم ربنا

أنا وبدون أي مبالغة ومنذ أن وعيت علي الدنيا عمال أسمع عن الأزمات فلا أزمة السكن جديدة ولاأزمة أسعار السلع الغذائية جديدة ولاأزمة المرتبات الضعيفة جديدة ولا أزمة الفساد جديدة ولو جبت الجرايد منذ منتصف السبعينات هتلاقي نفس الكلام الذي نقوله اليوم هو نفسه منذ ثلاثين سنة ولو أنتظرت ثلاثين سنة أخري ستجدهم يتحدثون في نفس الكلام!

أنا شخصيا لست من أسرة غنية ولاميسورة الحال وعاصرت كل الأزمات عيش, سكر, صابون , زيت , سجاير , لحمة, كراريس المدارس, أزمة ألوان شمع النسر الذهبي- مدرس الرسم وأنا في أولي إعدادي صمم إن كل طالب يجيب علبة ألوان النسر الذهبي ولم تكن موجودة بالسوق- أزمة كتاب المعاصر بتاع الرياضة, إلخ إلخ إلخ


هديك مثال من أمريكا يوضحلك الأثر المدمر للدعم والعيش علي الإعانات
هناك فئات معينة من الشعب الأمريكي عايشة علي إعانات الحكومة وكوبونات الطعام والنتيجة هي أنهم لايتقدموا خطوة واحدة للأمام وأصيبوا بحالة تبلد وجمود في حين هناك ناس جاءت إلي أمريكا بطرق غير قانونية ومبيعرفوش يتكلموا كلمة واحدة إنجليزي النهاردة أصحاب بزنس ومستودعات وشركات في حين ظل أهل الدعم منتظرين لشيكات الويلفير وكوبونات الأكل!!

أنا ال300 جنيه اللي بتاخدهم مراتك عمر مرتبي الحكومي في مصر ماوصلهم وأكبر مرتب كنت أحصل عليه كان 150 جنيه والكلام ده مش من أيام سعد زغلول ولا الجنيه الجبس ولكن حتي عام1999; هناك من قبل بهذا الوضع وخاف علي ضياع وظيفة الحكومة منه وظل لليوم كما هو وشافله بجانب وظيفة الحكومة سبوبة جانبية ولا حد يحلقله وهناك من رفض وغامر وإستقال من الحكومة وبحث عن شئ أخر وبعيدا عن السفر للخارج فأنا لي زمايل عملوا بزنس في الغردقة والنهاردة ماشاء الله عليهم مليونيرات بمعني الكلمة في حين من تمسكوا بوظيفة الحكومة لسه قاعدين يتكلموا في قزازة الزيت ولتر البنزين وغلاء الأسعار!

هناك جانب أخر للموضوع مش هيعجبك لكن لازم أقوله, عصر يرزقكم من حيث لاتعلمون وتكاثروا تناسلوا وتحديد النسل مؤامرة علي الإسلام إنتهي وأديك شايف النتيجة بعينك في أرقام العنوسة والبطالة ومن الأن فصاعدا اللي هيجيب عيل لازم يكون قادر يصرف عليه أو مفيش داعي منه ووسائل منع الحمل متوفرة ومصر ستمر بمرحلة صعبة لمعالجة أخطاء وخطايا وحماقات من سبقونا وسيسقط ضحايا كثيرين ويجب أن نعي هذا جيدا ونستعد له ونتقبله إذا أردنا أن نتطور.