التوحيد زيه زي اي مكان اخر ... فيه الكويس وفيه الوحش ... والكويس اللي فيه كان مفيد جدا بالنسبالي....عضو زي دكتور " حاتم" مثلا (عضو هنا بالمناسبة) رجل انا اسعد باني اتواجد معاه في منتدى واحد ... وهكذا في اكثر من عضو متخصص محترم جدا استفدت منهم بشكل فظيع

هل في في منتدى التوحيد اعضاء كلامهم يضحك مثلا من الضحاله؟ نعم في ... ولكن ليس الجميع

شيوخ ودعاة اليومين دول...لم ينجح احد.. يعني في انفصال كبير بينهم وبين المجتمع بيخلي ارائهم في امور كتيره (بالذات السياسية وده اللي يهمني) سطحيه جدا.... ممكن اقول علي جمعه مثلا...الشيخ سلمان العودة راجل برضه عنده وعي ومش منفصل عن الواقع بشكل كبير...لكن برضه مفيش رجل الدين المثقف الذكي!! عادي يعني حيجوا منين هو في حد عليه القيمة في اي مجال اصلا!!

ملحوظتك انا لاحظتها برضه...مقدرش اعمم بس فعلا الوسط السلفي موجود فيه القطاعين دول ... بالنسبة لمنتدى التوحيد هم قالوا من الاول ان هدف المنتدى الوحيد حوار الملحدين وقفلوا اي حوار اسلامي اسلامي منعا للتشتيت...معرفش ايه موقفهم بالنسبة للحكام

عادي يعني السلفيين همهم النقاب والعلمانيين همهم خلع الحجاب والاخوانجيه همهم القاء الخطب والزعيق وبين دول و دول ودول الناس بتموت في طوابير العيش والطلبه بتتخرج من كليه الهندسه عمرها ما فتحت مرجع