ميرسي للجميع (f) ...

خوليو، ما قالت لك دينا ذكر ولا أنثى ؟ (لحتى نرجع ننقي لها اسم للمولود - ليش نحنا شو علينا شغلة غير هالشغلة - ؟).

دينا، "الله ينتعك بالسلامة" (هيك بيقولو عنا، ما بعرف منين إجت "ينتعك" هاي .... حدا من الشباب بيعرف شي؟)، وتحكي لنا بعدين عن الحمل والولادة وجمال المولود. (f)

------

نكت أضحكتني جداً عن الحماصنة:

1) واحد حمصي راح عند أخوه التوأم معصّب كتير وقال له: وينك يا زلمة؟؟ أبوك طهّرني مرتين.

2) حمصي تزوج، ودخل بعروسه، وأطال العناق والتقبيل، فقالت له عروسه: ما بدّك شي من تحت "إبن عمي"؟ أجابها: بلى، باكيت الدخّان والقدّاحة.

3) حمصي تلاقى بصديقه بعد فترة غياب، فسأله صاحبه: وينك يا زلمه؟ أجاب: صارت معي شغله بتجنن، حبسوني لأني رميت وردة على حبيبتي، فماتت.
قال صاحبه: وردة؟ وماتت؟ ... كيف هيك؟
قال الحمصي: نسيت شيل الوردة من المزهرية.

4) واحد حمصي نصحه الدكتور بأن يمشي كل يوم 5 كيلومترات. اتصل بالدكتور بعد شهرين وقال: وصلت تركيا، وين لازم روح هلق؟

5) حمصي على سفر، ودعته أمه وقالت: الله والنبي معك، فاشترى صاحبنا ثلاث تذاكر.


واسلموا لي
العلماني