كل أصدقائي الفلسطينية والأردنية يدعولي بالنتعة بالسلامة
على قولة "الله ينتعك بالسلامة" على الرايحة والجاية
ورغم أن كلمة نتع هي كما فسر كل الزملاء بالمعنى إلا أنني مازلت لاأفهم معنى "الله ينتعك بالسلامة"
لحد مالعلماني قالها
لك غير شكل بتطلع منه.... غير

آخ ياضهري ويا إجريي
متى سأُنتع بالسلامة وأخلص؟؟ وأرى ابنتي بين يدي؟؟؟

طبعا ياعلماني ... لايعرف المرء قيمة التسعة أشهر إلا عند انتظاره مولوده
سواء كان امرء أم امرأة
وأنا يادوبك صرلي أسبوع داخلة شهري ومازلت أحسه دهري (لزوم القافية)
ولو أني قطة لكنت خلفت 3 مرات حتى الآن

وأنا بصراحة خايفة يطلع حملي حمصي متلي.... وروح أدخل بالشهر العاشر وماحس

وعلى سيرة النكت على الحماصنة وعلى سيرة الإناث والمرأة والحمل والطبخ والنفخ
ياسيدي كان في بزمانه تلات نسوان حماصنة
أم محمد وأم صطيف وأم خالد
كل يوم بيعملوا صبحية وبتشكي كل وحدة همومها اليومية
مرة أم محمد إيجيت زعلانة وعم تشتكي أنه جوزها ماعم يقرب عليها
وأنه هي عندها خطة رح تطبقها الليلة ومارح تأجلها بتاتا
تاني يوم إيجيت أم محمد موردة خدودها وبأحلى حالاتها ولما سألوها شو الحكاية وكيف جرت الأمور قالتلهون:
والله أنا شطفت أرض الديار وطبختله لأبو محمد الأكلة اللي بيحبها وجهزتله الحمام
ولما إيجا بالليل يتسطح حطيت إيدي على صدره لقيت جسمه بارد فقلتله "جسمك بارد ابن عمي... دفيلك ياه" .... وكانت ليلة

ونفس الشي عملت أم صطيف.... طبخت لأبو صطيف ونضفت هالبيت ولما إيجا يتسطح حطت إيدها على صدره ولقته بارد وقالتله: " دفيلك جسمك ابن عمي؟.... وكانت هديك ليلة
وحكت لرفيقاتها التنتين

وتالت يوم إيجت أم خالد
عين خضرا ومورمة وعين حمرا ومطمورة
وإيد مفكوشة والتانية مزرقًة
ولما سألوها رفقاتها شو صار
قالتلهون:
والله نضفت أرض هالدار وطبخت لأبو خالد الأكلة اللي بيحبها ولما إيجا المسا يتسطح عالتخت حطيت إيدي على صدره قمت لقيته دافي
رحت سألته " ليش جسمك دافي وجسم أبو محمد وأبو صطيف بارد"
وكانت ليلة....

وببالي كمان نكتة دينية - بس بلا ماحدا يزعل ها

علوي وسنية حبوا بعض كتير واتجوزوا بعد معاناة شديدة
وحبلت هالمرة بصبي
وخلق هالصبي
وصار وقت أنه يسموه
راح الزلمة قال أنه رح يسموه "علي"
وهون نطت المرة وقالتله أبدا والله أنا مابسمي ابني غير "عمر"
عنًد صاحبنا وعنًدت مرته
وراحت لعند أهلها وإيجوا الأهل ليقنعوه للزلمة باسم "عمر"
وافتتحت الحماية الموضوع
يابني... هلأ شو اعتراضك على اسم عمر...
عمر هو ثاني الخلفاء الراشدين
وكان مقرب جدا من الرسول
وهو من العشرة اللي بشروا بالجنة
وكان فهيم جدا وحكيم والأهم عادل... وصفات كتيرة لاتعد

رد عليها الزلمة وقلها
إيه مامعقول لك حماتي
لأنه لو كان متل ماعم تقولي
كان اسمه بيكون "علي"

-----
وأخيرا ومن الأرشيف
قال واحد أرمني أسلم ..... حجب ابنه

مية خسة للكل