اخ بهجت سؤال اذا سمحت وسامحني لو اجبرتك على العودة للموضوع تاني

بما اني راجل مهندس/فيزيائي على قد حلاتي فانا احب ان اضع الامور في منظور كمي عشان ده بيزيل دائما كثير من المغالطات والافكار الفاسدة....فبناء على هذا المنظور الكمي احب اسال سؤالين تلاته

1- قلت المسلمين لهم مشاكل اساسية مع الحداثة....طيب ياريت تفهمنا الكلام ده على اي اساس ومنين جبت الاستثناء...انا بشوف يوميا حاجات ضد مفاهيمك الحداثية الليبراليه في امريكا مثلا...ده في امريكا الليبرالين مهماش الا طائفة وطائفه مطحونه في اغلب الاوقات فمنين جبت استثناء المسلمين........ثم منين جبت راي المسلمين كلهم..هل المسلمين دول شخص واحد مثلا؟ هل يمكن فصل المسلمين عن محيطهم المتخلف اصلا عشان تبني رايك على شئ وحيد وهو انهم مسلمين....مش في مسلمين عايشين في الغرب اخر حلاوة وسلام وكافيين خيرهم شرهم....ايه ذنب هؤلاء يقروا عن نفسهم كل يوم شتايم وكل ربع ساعه يطلع واحد يصنفهم او يحاكمهم بدون اي ذنب او جريره هم عملوها وكانهم في موضع اتهام....هل هي دي قيم الحداثة سعادتك؟

2- فين قيم الحداثه في حرب العراق وفلسطين....يعني يا فرحتي بقيم تتقال في الجرايد وساعة التنفيذ مفيش....من قيم الحداثة وكما قيل في محكمة نورمبرج ان الاحتلال العسكري لدولة هو الجريمة التي تنطوي تحتها كل انواع الجرائم التي تحدث نتيجه لهذا الاحتلال... هل طبقت هذه القيمة ابدا من ساعة نورمبرج؟ اديني مبرر يخليني اصدقك لما تقول العالم اتفق على القيم وانتهى وانا اللي متخلف مش فاهم حاجه

3- ما هو وزن تاثير الارهابيين بالنسبه لتاثيير الجيش الامريكي مثلا على العالم...كام واحد قتله بن لادن وكام واحد قتله ميلوسيفتش؟ ما هي نسبة الارهابيين للمليار ونصف مسلم ولماذا اذا كانت كل هذه الارقام صغيرة يتم وضع كل هذا الاهتمام....هل هو من باب مقدرش على الحمار

زي ما بقول يا ريت اجابات كمية بارقام تثبت فيها كلامك عشان انا خلاص زهقت من الكلام ومش لازم اصدق اي حد لمجرد انه بيحشر في كلامه كلمات زي "حرية" "قيم" "انسانية"...انا عايز نتيجه واحصائيات ولو مفيش اثباتات او احصائيات فعلى اي اساس بتبني كلامك

ومتشكر جدا مقدما لاهتمامك