Array
مجتمع يصبح فيه تحول شخص من دين إلي دين خبر تتناقله وكالات الأنباء هو مجتمع مريض.

ما أثار إنتباهى فى هذا الموضوع هو إرتباط قصص التحول الديني بتحولات أخرى سياسية والحقيقة أنا لست علي إستعداد لسماع رأى سياسي حول إسرائيل مثلا من نكرات كنونى درويش والنجم الصاعد مجدي علام وعندما يتحدث شخص في حجم نورمان فنكلستين فليخرس المرتزقة ولايحشروا أنوفهم فيما لايعنيهم.
[/quote]

يعني من حق أيا كان أن يكفر بالإسلام لأنه عقيدة دينية ..
و ليس من حقه أن يكفر بالعروبة لأنه عقيدة سياسية ؟

لأن المسلمين مخنوقين من واحد أعلن تركه الإسلام يأتي العلمانيين للمجاملة بطريقتهم ..

يعني لأنك ملحد يا نيوترال فلا تلومه لترك الإسلام ..
لكن لأنك عروبي تعتبره مرتزق و نكرة لو كان له مجرد رأي مختلف عنك بخصوص إسرائيل.
و كأنك أبدلت مقدس بمقدس ..


على فكرة يا نيوترال انا عاوز أقولك حاجة ..

الإعلام المصري مثلا لديه ثوابت معينة و الدستور لديه ثوابت معينة.
لا للعلمانية لأنها ضد الإسلام ..
لا للقومية المصرية لانها ضد القومية العربية ..
و كان لا للرأسمالية لانها ضد الإشتراكية .. بس ديه إتلغت.
حزب مصر الأم القومي ممنوع لأنه علماني و لأنه قومي مصري.
الإعلام يتعامل مع تلك الأشياء كثوابت و مقدسات لدرجة أنك ممكن تلاقي حزب زي التجمع يجاهر بالعلمانية ..
لكنك لن تجد حزب واحد يجاهر بنبذ العروبة لأنها آخر الأصنام.

لكن أنا لما أبدأت أقرأ جرايد غير حكومية و أتفرج على قنوات غير حكومية إتضح لي إن الأفكار ديه مش ثوابت عالمية ..
كان من حقي إني أشك في كل ثوابت المجتمع و اقول يمكن الإعلام الموجه ده بيغالط في قضية إسرائيل.
و إلا ليه أي واحد يقول رأي مخالف يبقى عميل و خاين و مالوش أصل ؟

حتى الغرب مش بيحتفظ بعداوات زي القط و الفار ..
ألمانيا و فرنسا كانوا ألد الأعداء, و فرنسا و بريطانيا ... شوف دلوقتي.
أنا بحس إن العداء لإسرائيل هو اللي بيعطي هوية لمصر و هو اللي بيخلي الواحد وطني.
مجرد سب إسرائيل وطنية ..

أنا شاركت في مظاهرات تبع حركة كفاية ..
الناس كانت بتهتف ضد أمريكا و ضد إسرائيل أكتر ما بتهتف لمصر.

اللي أنا عايز أقوله إنك ماتحسبش بيقبض أو خسيس أو منفسن لمجرد أن له راي مخالف.

أنا شخصيا مش شايف إن عداوة إسرائيل هي الوطنية الخالصة ..
بالعكس أنا شايفها تقفيل دماغ.
حتى الجزيرة بتجيب أخبار القصف الإسرائيلي و مش بتجيب ولا خبر عن قصف حماس.
الإعلام العربي بوجه عام ليس أمينا ..
الإعلام العربي بيتواطأ مع نفسه و مع ثقافته و بعيد عن الموضوعية.

حتى العروبة لا أراها تحتم عداوة إسرائيل أو أمريكا ..
و لو المشكلة الفلسطينية تخلص هنفضها سيرة
و هندور على عدو أخر و خطر آخر يعطي معنى و سبب للتكتل.

لكن الواحد يا يبقى كافر أو عميل مادام مش بيأيد الإعلام الحكومي ..
يعني التعصب يبقى ديني و سياسي كمان.
ده كتير قوي ..