Array
لكن اعرف ناس لا ينقصها العلم , ولا تنقصها الاراده , ولا تنقصها الشخصيه , لكن فقط تنقصها الفرصه, ولكن لان الفرصه لا تاتى فهم مشاريع انتحاريين ايضا.
[/quote]

ناس لديها علم و لديها الإرادة و لديها الشخصية و فرصتها مؤجلة فتكون معذورة حين تتوكل على الله و تنتحر .. ؟

الفرصة ليست معدومة للأبد, عليك أن تعرف ذلك ..
و المثل بيقول إنها : ماضاقت إلا ما فرجت.

شوية صبر و ممكن تلاقي الدنيا مشيت.
لكن الإستعجال و طلب الحل دلوقتي و الآن هو خيال و وهم.

لازم ندي الدنيا فرصة تورينا وشها الحلو زي مابتورينا وشها الوحش.

إنت ماتفتكرش إن : الصبر و الأمل و الإجتهاد و تفتيح الدماغ دول كلام فاضي و هجس ..

أهم حاجة إن الواحد مايشلش مسئولية بني آدم تاني معاه غير لما يظبط حاله لأن ديه أمانة.
يعني حرام يربط واحدة معاه في ظروفه الصعبة غير لما الدنيا تفرج : خصوصا لو بيحبها.
و حرام قوي يخلف عيال و بعدين يمرمطهم معاه و في النهاية يسيبهم و ينتحر ..
الإنتحار هنا أكتر من غباء ..
ده ندالة و خسة.

اللي بينتحر فاكر إنه لما يكتب جواب إنتحار العالم هيتحمل مسئولية العناية بالناس اللي سايبهم ..
زهق من الدنيا و حس إن مفيهاش خير يقوم يعلق نفسه في حبل ..
مايفكرش مين هيجوع من بعده ..
مايفكرش مين هيزعل عليه ( لو كان بني آدم يعني)
مايفكرش الأطفال اللي يدوبك موفرلهم الستر ممكن تنزل الشارع و يجرى لهم ايه ؟

طب مادام خسة بخسة يهرب و يسيب مراته و عياله و يحاول يعمل حاجة بطوله
: و أهو يبقى أنقذ حياة بني آدم واحد على الأقل (حياة نفسه)

إنت يا عاشق بتحاول تبرر الضعف و قلة الحيلة و الجبن و النذالة و الهروب و اليأس ..
الحياة فيها إختيارات كثيرة لكن اللي يرفض الحياة فده لان الحياة رفضته الأول.

و اللي الحياة ترفضه لازم كلنا نرفضه.
لازم نكون في صف الحياة مش في صف الموت ..

اللي بينتحر ده أكتر من جبان و خسيس ..
لأن الشجاعة هي في مواجهة الحياة و ليست في مواجهة الموت.

و بدل ما تطبطب على واحد ميت مش هيحس بيك, طبطب على واحد حي يمكن تأثر فيه.

Array
واذا كان الفقير مش من حقه انه يتجوز او يخلف , يبقى يعيش ليه؟؟
اذا كان هو مش ضامن انه يعيش ساعه واحده مستقبلا , ربما دهسته سياره فى غفله منه , او اخذ نفسا فلم يخرج , او نام بالليل مطلعش عليه النهار ,
يبقى مينهيهاش هو بايده ليه طالما انه بلاهدف او سبب ليعيشها؟؟
[/quote]

أوكي ..
اللي عايز ينهي حياته يغور في ستين داهية.

لكن مايقولش إنه موت نفسه لأن الموت أفضل من الحياة ..
يعني إحنا عايشين غلط و هو اللي أمه ولدت فيه خمس سنين ؟

هوه اللي فتك و صايع و قلبه ميت و زاهد في الدنيا
و إحنا اللي عايشين فيها زي الحيوانات منغير لزمة ؟

أنا شخصيا عامل حسابي إني لما أشيخ و أعجز و أكتفي من الدنيا لازم أنا اللي أموت نفسي بإيدي و ماموتش طبيعي ..
أعمل حفلة مخدرات و أموت بجرعة زيادة أو أنط من فوق أعلى عمارة و أحس إني بطير في الهوا ..
أو أقوم بمغامرة خطرة ..
يعني آخد من الدنيا كل اللي عايزه و بعدين لما أموت أموت موته مفتكسة ..

لكن ما أنتحرش و أنا في عز شبابي و أقول خلاص يا جماعة انا فشلت و مش عارف أعمل حاجة بحياتي ..

أصل الحياة ديه ثمينة جدا جدا ..
يعني لو مش قادر يبقى سعيد على الأقل يحاول يسعد غيره.
يعمل أي حاجة كويسة و خلاص.

لكن المنتحر بالطريقة ديه بيبقى كفر بالحياة و إعتنق الموت ..
يعني عدو و خاين و نذل.

هيا كده.

Array
اومال لما الحكومه مش مسئوله عن توفير التعليم وفرص العمل والسكن يبقى مين المسئول؟؟
اومال بتلم ضرايب ليه؟
اومال موارد الدوله اللى كل واحد من الشعب له نصيب فيها بتروح فين؟

انت ابن مين فى مصر؟؟
انت ابن حسنى مبارك ولا احمد عز؟؟
[/quote]


الحكومة مسئولة توفر كل حاجة ..
لكن تغيير الحكومة الفاشلة مسئولية كل مصري ..

تقدر تتحدى الحكومة و تحاول تغير النظام ؟
لأ طبعا ..
عارف ليه ؟
لأنك خايف على نفسك و على حياتك و على عيلتك ..
لأن حياتك كده أحسن ما تورط نفسك في صراع مع النظام ..
أحسن مايخدوك في لاظوغلي و يطلعوك ع الصراية الصفرا.

طب لو حد مش فارقه معاه مش يحاول هو يغير حاجة تعاطفا مع الناس اللي عايشين أحسن ؟

و إذا كل واحد جبان و مش قادر يغير الحكومة بإيده مش يلم نفسه و يبطل شكوى ..
شعب شكاي لوام زنان ..

كل اللي فالحين فيه هو الشكوى و إلقاء اللوم على غيرنا ..

الحكومة وحشة عشان بتاخد معونة من أمريكا ..
الحكومة وحشة عشان بتبيع الغاز لإسرائيل ..
الحكومة وحشة عشان دخلت إتفاقية الكويز ..
الحكومة وحشة عشان مش بتحارب إسرائيل ..
الحكومة وحشة عشان مش بتحارب أمريكا ..
الحكومة وحشة عشان إشتراكية ..

إنت عارف لو الحكومة وحشة فعلا زي ما بتقول ؟
طب إنت مجرم يا عاشق الكلمة في حق نفسك و في حق ناسك و في حق بلدك إنك مش ماسك سلاح آلي و بتقود مقاومة مسلحة لتغيير نظلم الحكم.

أمال إنت فاكر ايه ؟
كل إنسان فرد معاليهوش أي مسئولية ؟
رئيس الجمهورية و الحكومة و المجتمع و الله و الملائكة مسئولين عن كل إنسان :
يولدوه و ياكلوه و يشربوه و يعلموه و يعالجوه و يشغلوه و يطبطبوا عليه ..
و بعدين يلاقي المواصلات فاضية و العيش منغير طوابير و اللحمة رخيصة و الشغل كتير و الفلوس كتير و .. و ..

إنت مولود مرفه ولا ايه ؟
مين فهمك إن الحياة سهلة كده و إن الناس مش المفروض تتعب ؟
أنا اللي إبن أحمد عز و لا إنت اللي شكلك ابن دادي و مامي ؟

هيا الدنيا صعبة ع الناس كلها ماعدا ولاد الذوات ..
و في أي مكان في العالم الحكومة مش أمنا و مش اللي خلفتنا و نسيتنا ..
لازم كل بني آدم يتعب عشان يلاقي ..

مش كسل و أنتخة و شكوى ع الفاضية و المليانة.

إنت تعرف إن الشكوى من سمات الشخصية المدللة ؟
من أول عبد الناصر ما أمم كل حاجة و هو فهم الناس إن تسهيل نوعية الحياة هو قرار حكومي و ليس كفاح شعب لأجيال ..

شعب مدلل إشتراكي كسول شكاي لوام زنان ..

عايز القمح يغلى في الدنيا كلها و يفضل في مصر زي ما هوه ..

الحياة صعبة يا عاشق و لازم نتحمل و نعافر و نواجهها و نقع و نقوم و نقاسي و نتعب و نعافر ..
مش حياة الفرافير اللي بتطالب بيها ؟

هو المصريين دول شعب فرافير و ثقافته ثقافة فرافيرية.
لازم الشعب ده يتعلم الأدب و يتعلم إزاي السوق يربيه بدل ما كل اللوم تاخده الحكومة ..

بدل ما عزة النفس تاخد كل واحد و يقول : لاااااااااااااااااا للمعونة الأمريكية
لااااااااااااا للإملاءات الأمريكية و هو مريح قوي.

نفسي أفهم مين صور للناس إن الحياة سهلة
و إن الحكومة لامتناهية القوة و السيطرة غير الحكومة بنت دين الكلب ديه.

هوه عبد الناصر اللي حسس الناس إنه إبوهم و بيصرف عليهم من جيبه ..
مش مجرد رئيس جمهورية.

Array
لو افترضنا ان مهندس شاب وجد عمل, وده من سابع المستحيلات النهارده , هيشتغل بكام؟؟ ومين المسئول عن الكام ده, مين المسئول عن تدنى الرواتب؟
هياخد 1000 او 1200 ؟؟ وده فى حاله انه يشتغل فى القطاع الخاص؟
اذا حب ياخد شقه للجواز , هيحوش كام سنه علشان ياخد شقه مش اقل من 120 الف جنيه النهارده؟
وبعد الكام سنه يلاقى الشقه وصلت 250 الف جنيه, ويفرشها بكام وامتى؟

ايه ذنب الشاب ده؟
ومين قالك انه مش فالح؟؟

جبت مش فالح دى منين؟؟

انا ليا زملاء فى الشغل طلعان عين اللى خلفوهم , وبينتجوا زى بهايم اللبن الحلابه, وفى الاخر بيقبضوا ملاليم , 700 او 800 جنيه, وهو عاوز علشان يعيش مش اقل من 1800 جنيه, الفارق ده يجيبه منين, مضطر يستدين.

مفيش حاجه النهارده اسمها يعيش على قده, لانه لو عاش ع العيش والفول والطعميه بس طول الشهر المبلغ ده مش هيكفيه.

يا راجل ده لو حب يشترى قميص وبنطلون ولامؤاخذه جزمه محترمين , المبلغ ده مش هيكفى.

اذا كان صاحب العمل بيسرق مجهود العامل , مين اللى يحميه؟؟؟
[/quote]

يا عم إنت فاكر إني بكسب زي الناس ديه ؟
إنت فاكر إني سعيد و راضي ..

ده أنا عايش على أمل ..

ده إنت متجوز و ساكن في شقة و مستقر في شغلك و في بيتك ..
أنا لسه بدري عليا.

لكن مش هشتكي و ألوم الدنيا و الدين و أبقى أنا المنيع الصالح البلا عيب.
الدنيا صعبة و عارف إنها صعبة ..
لكن بكره هاقدر أعمل حاجة ..
بكره ظروفي تسمح و ألاقي بنت الحلال و أعرف أعيش كويس.

يا عم إنت فاكرنا في أمريكا و لا في سلطنة بروناي ؟
إحنا دولة نامية و على قدها ..
يعني الحكومة مش ممكن تقدر تعمل حاجة غير بميزانية مهولة.

Array
اومال محتاجين ايه؟؟؟ تراب؟

هنسف تراب؟؟

هتعيش ازاى من غير فلوس؟؟

هتروح شرم ومارينا والغردقه وتروح اوروبا ازاى كل سنه من غير فلوس؟؟

الفقير هيقعد ع الكورنيش وياكل صميط وترمس ودره ازاى من غير فلوس؟
:what::what:
[/quote]

محتاجين وعي و صبر و امل و إجتهاد ..

محتاجين نكبر و ننضج و نبطل شكوى و عياط.

نبطل بقا حكاية : الواد ده ضربني .. إهيئ إهيئ

كل واحد عايز حاجة يروح ياخدها بإيده أو يحط في بقة #### و يبطل شكوى و عياط.

Array
اى حى واى ميت تتكلم عنه؟؟

اذا كان الحى يحيا كالموتى , فاى حياه واى قيمه تتكلم عنها؟؟

اذا كان الحى يحيا كئيبا قليل الرجاء رغما عنه , ولا توجد اى فرصه او بارقه امل لحياه افضل , فاى حياه تلك؟

اذا كانت حياته لا هدف منها , اذا كان يريد ان يحقق ذاته ويشعر بقيمته ولا يستطيع , فاى حياه تلك؟
[/quote]

يحاول و يتعب و يعمل اللي عليه ..

كل واحد فينا عبارة عن ذرة تراب بالنسبة للدنيا.
يعني اللي يموت مش هيفرق مع الدنيا.
لكن الدنيا هي اللي فارقه معانا.

أيوة لو في حد بيحب المنتحر هيزعل عليه شوية ..
أيوة ممكن موته ياثر بالإيجاب أو السلب ..
لكن حياته هتأثر أكتر ..

و الميت كل الناس هتنساه.

في مصر الناس بتفتخر بالصوان الكبير و المعزيين اللي بيسدوا عين الشمس.
لكن واجب العزاء دايما نفاق إجتماعي و اللي بيزعلوا (لو حد زعل) بيبقوا كام واحد و خلاص.

الناس بتمثل إنها فاكره الميت لكن ده كدب و زيف ..

عمر الحي ما هيبقى زي الميت غير للنفوس الواطية ..
حشرة آدمية عندها إستعداد تتغذى على الفتات و تعيش في ركن و تموت في صمت.

لازم نتغير و نغير حالنا و نعافر و نتعب.
و بدل الكآبة نحاول نغير حاجة.

:wr: كل ود.