[quote name='Beautiful Mind' date='Mar 26 2008, 01:35 PM' post='473708']

الفرصة ليست معدومة للأبد, عليك أن تعرف ذلك ..
و المثل بيقول إنها : ماضاقت إلا ما فرجت.
شوية صبر و ممكن تلاقي الدنيا مشيت.
[/quote]


ماهى المصيبه انها مش عاوزه تفرج.


واللى عمره اربعين سنه 40 سنه ,, ولم يحصل على فرصه عمل , ولم يتزوج , ولم ينجب , ومازال عاله على اهله , هيصبر لحد امتى؟

هناك العاطل , وهناك من يعمل ولكن دخله لا يكفيه عيش حاف , وهناك الامثله اللتى انتحرت , تفتكر كل دول يعملوا ايه؟؟
كل دول يسافروا بره البلد؟
ومين اللى هيستنى فى البلد وقتها؟




[quote name='Beautiful Mind' date='Mar 26 2008, 01:35 PM' post='473708']

إنت ماتفتكرش إن : الصبر و الأمل و الإجتهاد و تفتيح الدماغ دول كلام فاضي و هجس ..

[/quote]

اسكت ... متفكرنيش

الامل والاجتهاد وتفتيح الدماغ بتوعك دول حاولت اعملهم اتنصب عليا وخسرت شقا عمرى
هههههههههههههه


[quote name='Beautiful Mind' date='Mar 26 2008, 01:35 PM' post='473708']


اللي بينتحر فاكر إنه لما يكتب جواب إنتحار العالم هيتحمل مسئولية العناية بالناس اللي سايبهم ..
زهق من الدنيا و حس إن مفيهاش خير يقوم يعلق نفسه في حبل ..
مايفكرش مين هيجوع من بعده ..
مايفكرش مين هيزعل عليه ( لو كان بني آدم يعني)
مايفكرش الأطفال اللي يدوبك موفرلهم الستر ممكن تنزل الشارع و يجرى لهم ايه ؟
[/quote]

هو اللى بينتحر بيفكر فى اللى بتقوله ده؟؟
تتحدث عن المنتحر وكانك تتحدث عن شخص ذاهب الى رحله لاستكشاف العالم الاخر لبرهه من الزمن ثم يعود.


[quote name='Beautiful Mind' date='Mar 26 2008, 01:35 PM' post='473708']

إنت يا عاشق بتحاول تبرر الضعف و قلة الحيلة و الجبن و النذالة و الهروب و اليأس ..
الحياة فيها إختيارات كثيرة لكن اللي يرفض الحياة فده لان الحياة رفضته الأول.

و اللي الحياة ترفضه لازم كلنا نرفضه.
لازم نكون في صف الحياة مش في صف الموت ..
[/quote]

انا لا ابرر شيئا , والموضوع نفسه ليس موضوع للتبرير , الموضوع نفسه نقد للاوضاع السيئه وللفساد وللحكومه اللتى جعلت من الانسان المصرى رخيص حتى على نفسه.


[quote name='Beautiful Mind' date='Mar 26 2008, 01:35 PM' post='473708']


اللي بينتحر ده أكتر من جبان و خسيس ..

[/quote]


اللى ينتحر ده انسان وصل الى اقصى درجات الياس من بروز خيط واحد فقط رفيع من مجموعه خيوط تشكل شعاع الامل .

[quote name='Beautiful Mind' date='Mar 26 2008, 01:35 PM' post='473708']


اللي عايز ينهي حياته يغور في ستين داهية.
[/quote]

ده لما يكون فى الدول الاسكندنافيه


[quote name='Beautiful Mind' date='Mar 26 2008, 01:35 PM' post='473708']

هوه اللي فتك و صايع و قلبه ميت و زاهد في الدنيا
و إحنا اللي عايشين فيها زي الحيوانات منغير لزمة ؟
[/quote]

لا سمح الله ... محدش قال كده.



[quote name='Beautiful Mind' date='Mar 26 2008, 01:35 PM' post='473708']

لكن تغيير الحكومة الفاشلة مسئولية كل مصري ..

تقدر تتحدى الحكومة و تحاول تغير النظام ؟
لأ طبعا ..
عارف ليه ؟
[/quote]

لانها مسئوليه كل مصرى , ولن استطيع وحدى كفرد ولا من هو اجعص منى وحده كفرد ان ينقل وحده نمله من هنا الى هناك الا باذن الحكومه .

[quote name='Beautiful Mind' date='Mar 26 2008, 01:35 PM' post='473708']

لأنك خايف على نفسك و على حياتك و على عيلتك ..
لأن حياتك كده أحسن ما تورط نفسك في صراع مع النظام ..
أحسن مايخدوك في لاظوغلي و يطلعوك ع الصراية الصفرا.
[/quote]

لالالا
لانك وحدك كمن يضرب راسه فى الصخر , فهل نطح الصخر ياتى بنتيجه؟



[quote name='Beautiful Mind' date='Mar 26 2008, 01:35 PM' post='473708']

و إذا كل واحد جبان و مش قادر يغير الحكومة بإيده مش يلم نفسه و يبطل شكوى ..
شعب شكاي لوام زنان ..
[/quote]


لانه واحد .. ولوحده , فمش قادر يغير , وفى نفس الوقت مش قادر يلم الناس علشان يغير , وبالتالى فهو يرى ان الوضع لن يتغير , ولا توجد بارقه امل.


:blink:
طب إنت مجرم يا عاشق الكلمة في حق نفسك و في حق ناسك و في حق بلدك إنك مش ماسك سلاح آلي و بتقود مقاومة مسلحة لتغيير نظلم الحكم.
[/quote]

وقتها ساصبح ارهابى , وستكون انت اول واحد يقطع فيا ويقول هذا ما علمه لهم اسلامهم , الارهاب وعدم قبول الاخر.
مش انتوا اللى دينكم بيقول ( من راى منكم منكرا فليغيره بيده)؟؟
ههههههههههه


[quote name='Beautiful Mind' date='Mar 26 2008, 01:35 PM' post='473708']


إنت مولود مرفه ولا ايه ؟
مين فهمك إن الحياة سهلة كده و إن الناس مش المفروض تتعب ؟
أنا اللي إبن أحمد عز و لا إنت اللي شكلك ابن دادي و مامي ؟

[/quote]

برغم انى انسان عادى وبسيط , لكن مش عيب ابدا ان الانسان يتولد مرفهه , ولكن العيب كل العيب ان يتعالى على الاخرين وان لايشعر بمعاناتهم , لان معظم من ولدوا اليوم وفى افواههم ملاعق من ذهب , فان اجدادهم طرشوا المر وطفحوه طفحا قبل ان ياتى عبد الناصر بالثوره ليرفع عنهم المعاناه والظلم والقهر , الا انهم كانوا اكثر استفاده من غيرهم , او انهم معرفوش يربوا ولادهم كويس فطلعوا حراميه ونهبوا البلد لحسابهم وحساب اولادهم واولاد اولادهم.



[quote name='Beautiful Mind' date='Mar 26 2008, 01:35 PM' post='473708']

لازم كل بني آدم يتعب عشان يلاقي ..

مش كسل و أنتخة و شكوى ع الفاضية و المليانة.
[/quote]

يا ابنى هو وجد الفرصه علشان يتعب ومتعبش وكسل وانتخ؟؟

اديلو الفرصه الاول وشوف انتخ ولا لا؟؟

[quote name='Beautiful Mind' date='Mar 26 2008, 01:35 PM' post='473708']


عايز القمح يغلى في الدنيا كلها و يفضل في مصر زي ما هوه ..

[/quote]


وليه مزرعوش ويبقى زى ماهو؟؟
وليه مزرعوش بدل الفراوله اللى طعمها امسخ من طعم الطماطم الحمضانه , والخوخ المهرمن اللى كلو ميه, والكنتالوب اللى مالوش لازمه , ووو...

مش لما اكتفى ذاتيا من المحاصيل الاستراتيجيه ابقى ادور على المحاصيل الترفيهييه؟؟
مش ده برضو شغل حكومه؟؟


[quote name='Beautiful Mind' date='Mar 26 2008, 01:35 PM' post='473708']

الحياة صعبة يا عاشق و لازم نتحمل و نعافر و نواجهها و نقع و نقوم و نقاسي و نتعب و نعافر ..
مش حياة الفرافير اللي بتطالب بيها ؟
[/quote]

حاولوا يعافروا لكنهم وقعوا وماقاموش
هو انت فاكر اللى ركبوا البحر وغرقوا على سواحل ايطاليا واليونان دول كانوا بيعملوا ايه؟
مش كانوا بيعافروا برضو لتغير واقعهم الى ما هو افضل؟
ماذا كانت النتيجه؟؟
تعددت الاسباب والموت واحد.

[quote name='Beautiful Mind' date='Mar 26 2008, 01:35 PM' post='473708']

ده إنت متجوز و ساكن في شقة و مستقر في شغلك و في بيتك ..
أنا لسه بدري عليا.

[/quote]

مساه قر يا عمنا..

مفيش هنا ايكونه بتاعه واحد ماسك الخشب او خمسه وخميسه؟؟
:23:


[quote name='Beautiful Mind' date='Mar 26 2008, 01:35 PM' post='473708']


يا عم إنت فاكرنا في أمريكا و لا في سلطنة بروناي ؟
إحنا دولة نامية و على قدها ..
يعني الحكومة مش ممكن تقدر تعمل حاجة غير بميزانية مهولة.
[/quote]

لا وانت الصادق.. احنا دوله نايمه مش ناميه.

بالظبط زى ما يكون اهل البيت صاحيين والاب نايم وقافل الباب والمفتاح فى جيبو , والطبنجه تحت المخده, واللى يحاول يفتح ويخرج لازم يسرق المفتاح , وعلشان يسرق المفتاح يبقى هو ونصيبو , فاما سرقه , واما اخذ طلقه جابت اجلو , والمحاوله دائما محفوفه بالمخاطر.
اللى يبص ع البيت من بره يفتكر البيت كلو نايم , لكن الواقع ان رب البيت نايم وعاوز البيت كله نايم مثله.

[quote name='Beautiful Mind' date='Mar 26 2008, 01:35 PM' post='473708']

لازم نتغير و نغير حالنا و نعافر و نتعب.
و بدل الكآبة نحاول نغير حاجة.

:wr: كل ود.
[/quote]

الناس بتحاول وبتموت وهى بتحاول .

على فكره انت ردودك كلها طويله ومتعبه وتحتاج مجهود للرد.

تحياتى يا جميل
:redrose: